قۇجاتتا براكونەرلەرمەن كۇرەسۋدىڭ نورمالارى جازىلعان, الايدا ءوز ىسىنە ادال بالىقشىلارعا قورقۋدىڭ قاجەتى جوق. كەرىسىنشە, بالىقشىلاردىڭ جاعدايى جاقساردى. ەگەر بۇرىن قازاقستاندىق كەمەلەر تەڭىزگە كۇندىز عانا شىعا العان بولسا, ەندى جاڭا تۇزەتۋلەرگە سايكەس تاۋلىكتىڭ كەز كەلگەن ۋاقىتىندا بالىق اۋلاۋعا مۇمكىندىك بار.
«كونۆەنتسيانىڭ نەگىزىندە ءتيىستى زاڭدارعا ەنى 15 تەڭىز ءميلىن قۇرايتىن اۋماقتىق سۋلار تۋرالى نورما ەنگىزىلەدى. ولاردىڭ سىرتقى شەگى مەملەكەتتىك شەكارا مارتەبەسىنە يە بولادى. اۋماقتىق سۋلارعا 10 ميلدىك بالىق اۋلاۋ ايماقتارى قوسىلادى. وندا ءار مەملەكەت بالىق اۋلاۋ بويىنشا ايرىقشا قۇقىقتارعا يە. قابىلدانعان زاڭ مەملەكەتتىك شەكارانى بەرىك قورعاۋعا, مەملەكەتىمىزدىڭ قاۋىپسىزدىگىن قامتاماسىز ەتۋگە جانە كاسپيدە ەلىمىزدىڭ ەكونوميكالىق مۇددەسىن جۇزەگە اسىرۋعا قۇقىقتىق نەگىز قالىپتاستىرادى. سونداي-اق زاڭنىڭ بىرقاتار نورماسى سۋ بيولوگيالىق رەسۋرستارىن ساقتاۋعا باعىتتالعان. جاڭا نورمالار ءبىزدىڭ ۇلتتىق مۇددەمىزگە ساي كەلەتىنى ءسوزسىز», دەدى سەنات توراعاسى ماۋلەن اشىمباەۆ.
سەنات توراعاسى ماۋلەن اشىمباەۆتىڭ ايتۋىنشا, بۇگىن قابىلدانعان زاڭ ەكونوميكالىق قىزمەتتى جانە كاسپي تەڭىزىندەگى مەملەكەتتىك شەكارانى قورعاۋدىڭ قۇقىقتىق بازاسىن جاقسارتۋعا مۇمكىندىك بەرەدى. قۇجات 2018 جىلى قابىلدانعان ۇلتتىق زاڭنامانى, تۇڭعىش پرەزيدەنت - ەلباسىنىڭ باستاماسىمەن قابىلدانعان كاسپي تەڭىزىنىڭ قۇقىقتىق مارتەبەسى تۋرالى كونۆەنتسيامەن ۇيلەستىرۋگە باعىتتالعان.
«زاڭ جوباسى بىرىككەن سەرىكتەستىك ارەكەتتەرگە قاجەتتى قۇقىقتىق نەگىز قالىپتاستىرادى, سونىڭ ىشىندە ەكولوگيا جانە كاسپيدىڭ بيورەسۋرستارىن ساقتاۋ, براكونەرلىكپەن, سونىمەن قاتار تەرروريزممەن كۇرەس جانە كاسپي تەڭىزىندەگى قاقتىعىستاردىڭ الدىن الۋداعى ءوزارا بايلانىستا ماڭىزى زور», دەدى سەنات دەپۋتاتى نۇرجان نۇرسيپاتوۆ.
