وقيعا • 02 اقپان، 2021

سايلاۋ ناتيجەسىنە باعا بەرىلدى

13 رەت كورسەتىلدى

نۇرسۇلتان نازارباەۆ قورىنىڭ جانىنداعى الەمدىك ەكونوميكا جانە ساياسات ينستيتۋتى (اەسي) الاڭىندا وتكەن ءماجىلىس سايلاۋىنىڭ قورىتىندىسى مەن قازاقستاننىڭ پارتيالىق الاڭىنىڭ دامۋ باعدارىن تالقىلاۋعا ارنالعان ونلاين-كونفەرەنتسيا ءوتتى.

القالى جيىنعا ءماجىلىس دەپۋتاتتارى، عالىمدار، ساياسات­تا­نۋشىلار مەن ازاماتتىق قوعام وكىلدەرى قاتىستى. ساراپ­تا­مالىق پىكىرتالاس سايلاۋ قورى­تىندىلارىن، سونداي-اق ءماجى­لىستىڭ جاڭا قۇرامىن باعالاۋ، پرەزيدەنت قاسىم-جومارت توقاەۆ 2021 جىلى 15 قاڭتاردا بەلگىلەگەن وزەكتى كۇن ءتارتىبىن ەسكەرە وتىرىپ، پارلامەنتتىڭ جاڭا قۇرامى جۇمىسىنىڭ باسىم باعىتتارىن تال­قىلاۋ، بەلگىلەنگەن ساياسي رە­فور­مالاردى، ەلدىڭ پارتيا­لىق ءورىسىن دامىتۋدىڭ ىقتي­مال سۇلباسىن ايقىنداۋ تاقىرىپ­تا­رىنا ارنالدى.

كونفەرەنتسيانى اشقان  اەسي ساراپشىسى ەرلان ماديەۆ ءوز سوزىندە ء«ۇش پارتيالىق پارلا­مەنت­تىڭ ساقتالۋىن جۇيەنىڭ بەل­گىلى ءبىر ورنىقتىلىعىنىڭ بەلگى­سى جانە قوعامدا مەملەكەتتىك با­عىت­تىڭ تۇراقتىلىعى مەن ساباق­تاس­تىعىنا سۇرانىستىڭ باسىمدىعى دەپ ساناۋعا بولادى»، دەپ اتاپ ءوتتى.

قازاقستاننىڭ حالىق پار­تياسىنىڭ اتىنان ءسوز سويلەگەن دەپۋتات ەرلان سمايلوۆ پارتيا قىزمەتىن ترانسفورماتسيالاۋ پروتسەسى تۋرالى ەگجەي-تەگجەيلى بايانداپ بەردى. ونىڭ ايتۋىنشا، قوعامدا الەۋمەتتىك ادىلەتتىلىككە، ءومىر ءسۇرۋ ساپاسىن جاقسارتۋعا، ۇلتتىق بايلىقتى ءادىل بولۋگە دەگەن ۇلكەن سۇرانىس بولعاندىقتان، پارتيانىڭ يدەولوگيالىق نەگىزىن وزگەرتۋ، كوممۋنيستىك يدەولوگيادان باس تارتۋ جاقتاۋشىلار سانىن ۇلعايتۋعا مۇمكىندىك بەردى.

Nur Otan پارتياسى اتىنان ءسوز سوي­لەگەن دەپۋتات يۋليا كۋچينس­كايانىڭ ايتۋىنشا، پارلامەنتكە، ونىڭ ىشىندە ماسليحاتتارعا ساي­لاۋدىڭ پروپورتسيونالدى جۇيە بويىنشا وتكىزىلۋى قازىرگى ساياسي پارتيالاردىڭ ساپالى دامۋى جولىندا كۇشتى سەرپىن بولدى. ونىڭ پىكىرىنشە، اتالعان پروتسەس­تەر ناتيجەسىندە، پارتيالاردىڭ وڭىرلەردەگى جۇمىسى كۇشەيتىلدى. بۇل تۇرعىدا بيلەۋشى پارتيا ءۇشىن تىزىمدەردى جاڭارتۋعا، پارتيانىڭ ىشىندەگى بايلانىستى نىعايتۋعا، ونىڭ مۇشەلەرى اراسىنداعى ديالوگ پەن ءوزارا ارەكەتتەستىككە مۇمكىندىك بەرەتىن پرايمەريزدىڭ جۇرگىزىلۋى ەرەكشە ماڭىزدى بولدى.

بىرقاتار ساراپشىنىڭ ايتۋىنشا، پارلامەنتتىك وپپوزيتسيانىڭ مار­تەبەسىن زاڭنامالىق تۇرعى­دان بەكىتۋ پارلامەنتتىك پىكىر­تا­­لاس­تاردىڭ ايتارلىقتاي جان­دا­­ن­ۋىنا ىقپال ەتەتىن وڭ قادام بولادى. وسىنى ەسكەرگەن «التەر­ناتيۆا» وزەكتى زەرتتەۋلەر ورتا­لى­عى­نىڭ دي­رەكتورى اندرەي چەبو­تارەۆ وت­كەن سايلاۋ پىكىرتالاستارى با­رى­سىندا بيلىك پەن ۇكىمەتكە قا­­تاڭ سىن-پىكىر بىلدىرىلگەندىكتەن، وپ­­پو­­­زي­تسيانىڭ رولىنە قحپ پار­تيا­­سى كوبىرەك سايكەس كەلەتىنىن ايتتى.

ساياساتتانۋشى عازيز ابىشەۆ: «پارلامەنتكە ءوتۋ شەگىن 7%-دان 5%-عا دەيىن تومەندەتۋ – قوعام سۇرانىسىنا جاۋاپ قانا ەمەس، سونىمەن قاتار شاعىن پارتيالارعا كەلەسى ءماجىلىس ساي­لاۋىنا ءتۇسۋ ءۇشىن تىركەلىپ، باعىن سىناپ كورۋگە مۇمكىندىك»، دەپ اتاپ ءوتتى. ونىڭ پىكىرىن­شە، پارتيالاردى تىركەۋ ولشەم­شارت­تارىن ودان ءارى ىرىقتاندىرۋ تاياۋ بولاشاقتا جاڭا ساياسي جوبا­لاردىڭ پايدا بولۋىن ىنتالاندىرادى.

جالپى، ساراپشىلار وتكەن ساي­لاۋ قورىتىندىسى ەلدەگى پار­تيالىق جۇيەنىڭ تۇراقتىلىعى مەن تيىمدىلىگىن كورسەتتى دەگەن ورتاق پىكىردە بولدى.

سوڭعى جاڭالىقتار

تاميلانىڭ تارتۋى

ونەر • بۇگىن، 23:00

قارا جولداعى قاتەر

بۇگىن، 22:56

مۋتاتسيالانعان ۆيرۋس

مەديتسينا • بۇگىن، 22:15

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

بالقاشتا قار جاۋىپ جاتىر

اۋا رايى • بۇگىن، 15:48

ۇقساس جاڭالىقتار