بيلىكتەگىلەردى قاراشاداعى پارلامەنت سايلاۋىنا ارالاسىپ, سايلاۋ ناتيجەسىن فالسيفيكاتسيالادى دەگەن ايىپپەن تۇتقىنداعان. رەسمي مالىمەتتەر بويىنشا, وتكەن سايلاۋدا مەملەكەتتىك كەڭەسشى اۋن سان سۋ چجي باسقاراتىن پارتيا ۇلكەن باسىمدىقپەن جەڭىسكە جەتكەن. ال ەلدەگى اسكەر ەكىنشى پارتيانىڭ تاراپىندا, ياعني سۋ كيۋدىڭ ۇلتتىق دەموكراتيا ليگاسىنىڭ جاعىندا بولعان. جالپى, نەگىزگى بيلىك پرەزيدەنت ەمەس, ءدال وسى مەملەكەتتىك كەڭەسشىنىڭ قولىندا دەيدى ميانمالىقتار.
ەندى گەنەرالدار توتەنشە جاعداي اياقتالعاننان كەيىن قايتادان سايلاۋ وتكىزەتىنىن مالىمدەدى. الايدا توتەنشە جاعداي 1 جىلعا سوزىلماق. قازىر ەلدەگى ءىرى كوشەلەر مەن ادام كوپ شوعىرلاناتىن ورىندار – قاتاڭ باقىلاۋدا. ۇلتتىق تەلەراديوكومپانيانىڭ جۇمىسى توقتاتىلىپ, تەلەفون مەن ينتەرنەت بايلانىسى السىرەگەن. دەگەنمەن, اسكەري تەلەۆيزيالىق جۇيە جۇمىس ىستەپ تۇر.
كوپتەگەن ەل مەن حالىقارالىق ۇيىمدار اسكەريلەردىڭ بۇل ارەكەتىن سىناپ, تۇتقىنداردى بوساتۋ كەرەكتىگىن ايتقان. مەملەكەتتىك كەڭەسشىنىڭ ءوزى دە الەۋمەتتىك جەلىلەردە حالىققا ۇندەۋ جاساپ, توڭكەرىسكە قارسى شىعۋعا ۇگىتتەگەن.
