ءتسدياوم ءباسپاسوز قىزمەتىنىڭ دەرەكتەرى بويىنشا, ادامداردىڭ ەپيدەميالىق احۋالى جونىندەگى اقپارات «Ashyq» قوسىمشاسىندا كورسەتىلەتىن بولادى. اتالعان قوسىمشا تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى دەنساۋلىق ساقتاۋ مينيسترلىگىمەن بىرلەسىپ ازىرلەگەن.
اتاپ كەتەرلىگى, مادەني ورىندارعا نەمەسە مەكەمەلەرگە بارۋ ءۇشىن ارنايى QR-كودتى سكانەرلەپ, كىرەبەرىستە كورسەتۋ قاجەت. باعدارلاما قىزىل, سارى, كوك جانە جاسىل تۇستەرگە بولىنەتىن تاۋەكەل دارەجەسىن كورسەتەدى.
قىزىل – قوزعالىستى شەكتەۋ جانە امبۋلاتوريالىق باقىلاۋداعى ادامدار ءۇشىن ۇيدە وقشاۋلاۋدىڭ قاتاڭ رەجىمىن ساقتاۋدى بىلدىرەدى.
سارى – قوزعالىستى ءىشىنارا شەكتەۋ بويىنشا ناۋقاس ۇيدەن وقشاۋلاۋ رەجىمىن ساقتاي وتىرىپ, سونداي-اق 500 مەتردەن اسپايتىن ازىق-ت ۇلىك جانە تۇرمىستىق زاتتارعا ارنالعان دۇكەندەرگە جانە دارىحانالارعا بارۋعا رۇقسات ەتىلەدى.
كوك – پتر-تەست دەرەكتەرى مىندەتتى بولاتىن جەرلەردەن باسقا (مىسالى, اۋەجايدا) قوزعالىسقا ەشقانداي شەكتەۋلەر جوق.
جاسىل قوزعالىستا ەشقانداي شەكتەۋلەر جوق ەكەنىن بىلدىرەدى. سونىمەن قاتار دەرەكقوردا جاسىل ءتۇستى پايدالانۋشىلار COVID-19 تەرىس ناتيجەسى بار جانە پتر-تەستىلەۋدەن وتكەن ادام رەتىندە كورسەتىلگەن.
جاڭا باعدارلاما جەكە كاسىپكەرلەرگە ءوز قىزمەتىن جالعاستىرۋعا جانە كەلۋشىلەرگە قاۋىپ توندىرمەۋگە مۇمكىندىك بەرەتىندىگىمەن تۇسىندىرىلەدى.
ايتا كەتسەك, سمارتفون بولماعان جاعدايدا ءۇي-جايعا كىرۋدى باقىلايتىن قىزمەتكەرلەر ءۇشىن قوسىمشادا ارنايى فۋنكتسيا بار. ول كەلۋشىلەردىڭ جسن-ءىن تەكسەرۋ نەمەسە جەكە كۋالىكتە ورنالاسقان شتريح كودتى سكانەرلەۋ ارقىلى جۇزەگە اسادى.
مۇنى قازاقستاننىڭ بارلىق اۋماعىنداعى قوعامدىق ورىندارعا (سوو, دۇكەندەر, مەيرامحانالار, ءدامحانالار, ۆوكزالدار, اۋەجايلار جانە ت.ب.) كىرۋ ءۇشىن جوسپارلاپ وتىر.
ايتولقىن مىرزاكاريم
