ادىلەت ءمينيسترى پرەزيدەنتكە زاڭ جوبالارىنىڭ ازىرلەنۋ بارىسى, ولارعا قۇقىقتىق ساراپتاما بەرۋ جايىندا ايتتى. سونىمەن قاتار بيزنەس وكىلدەرى مەن ازاماتتارعا قۇقىقتىق كومەك كورسەتۋ ماسەلەسى بويىنشا قولعا الىنعان جۇمىستار جونىندە اقپارات بەردى.
مارات بەكەتاەۆتىڭ ايتۋىنشا, بۇگىندە ادۆوكاتتاردىڭ جانە زاڭ جونىندەگى كەڭەسشىلەردىڭ قىزمەتىن رەتتەۋ, ولاردىڭ جۇمىسىن تسيفرلاندىرۋ, اتالعان سالا ماماندارىنىڭ كاسىبي بىلىكتىلىگىن ارتتىرۋ, تارتىپتىك فۋنكتسيالاردى دامىتۋ ماقساتىندا بىرقاتار باستامالار ىسكە اسىرىلىپ جاتىر.
كەزدەسۋ سوڭىندا قاسىم-جومارت توقاەۆ مارات بەكەتاەۆقا زاڭ جوبالارىن دايىنداۋ جۇمىستارىن ساپالى جالعاستىرۋدى, ازاماتتار مەن كاسىپكەرلەرگە قۇقىقتىق كومەك بەرۋ تۇرعىسىنداعى باستامالاردى جوعارى دەڭگەيىندە اتقارۋدى تاپسىردى.
