ماجىلىستە عارىشتى يگەرۋ جانە دامىتۋ سالاسىنداعى ىنتىماقتاستىق بويىنشا 18 وزەكتى ماسەلە قارالدى. قازاقستان ماجىلىسكە قاتىسۋشىلارعا جەردى قاشىقتىقتان زوندتاۋ عارىش جۇيەسىنىڭ, گەواقپاراتتىق تەحنولوگيالاردىڭ جانە سپۋتنيكتىك ناۆيگاتسيانىڭ دەرەكتەرىن قولدانۋ نەگىزىندە ەكونوميكا سالالارىن تسيفرلاندىرۋ ماسەلەلەرىندەگى ءوز تاجىريبەسىن ۇسىندى.
سونداي-اق تاراپتار قازاقستانداعى قۇراستىرۋ-سىناۋ كەشەنىنىڭ بازاسىندا وپتيكالىق جانە تەلەكوممۋنيكاتسيالىق سپۋتنيكتەر قۇرۋ, 3 عارىش اپپاراتىنان تۇراتىن ورتا شەشىمدى جقز قازاقستاندىق سپۋتنيكتىك توپتاماسىن قۇرۋ بويىنشا ينۆەستيتسيالىق جوبانى ىسكە اسىرۋ ماسەلەسىن تالقىلادى.
ءماجىلىس شەڭبەرىندە تمد اتقارۋشى كوميتەتىنىڭ ۇسىنىسى بويىنشا قازاقستان رەسپۋبليكاسىنىڭ تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين كەڭەستىڭ 2021 جىلعا ارنالعان توراعاسى بولىپ سايلاندى.
ءماجىلىس قورىتىندىسى بويىنشا كەڭەستىڭ 2021 جىلعا ارنالعان جۇمىس جوسپارى بەكىتىلدى. تاراپتار وتىرىستىڭ كۇن ءتارتىبى ۋاقتىلى بولعانىن جانە ونىڭ بارىسىندا قابىلدانعان شەشىمدەر تمد-عا قاتىسۋشى مەملەكەتتەردىڭ عارىش قىزمەتى سالاسىنداعى ءوزارا ءىس-قيمىلىنىڭ تيىمدىلىگىن كەڭەيتۋگە جانە ارتتىرۋعا ىقپال ەتەتىنىن اتاپ ءوتتى.
كەڭەس ءماجىلىسى عارىش كەڭىستىگىن بەيبىت ماقساتتاردا زەرتتەۋ جانە پايدالانۋ سالاسىنداعى ىنتىماقتاستىق تۋرالى تمد كونۆەنتسياسى جانە 2018 جىلى قول قويىلعان تمد-عا قاتىسۋشى مەملەكەتتەردىڭ عارىش كەڭىستىگىن بەيبىت ماقساتتاردا زەرتتەۋ جانە پايدالانۋ سالاسىنداعى بىرلەسكەن قىزمەتىن جۇزەگە اسىرۋ تۋرالى كەلىسىم شەڭبەرىندە وتكىزىلەدى.
ماجىلىسكە قازاقستان رەسپۋبليكاسىنان, رەسەي فەدەراتسياسىنان, بەلارۋس رەسپۋبليكاسىنان, وزبەكستان رەسپۋبليكاسىنان جانە تاجىكستان رەسپۋبليكاسىنان كەڭەس مۇشەلەرى, تمد اتقارۋشى كوميتەتىنىڭ, رەسەي ءسىم جانە رەسەي ىنتىماقتاستىق وكىلدەرى قاتىستى. ارمەنيا رەسپۋبليكاسى مەن ءازىربايجان رەسپۋبليكاسىنىڭ وكىلدەرى كەڭەس ماجىلىسىندە باقىلاۋشىلار رەتىندە قاتىستى. كەڭەستىڭ ونلاين ماجىلىسىنە قازاقستاننىڭ عارىش سالاسى كاسىپورىندارىنىڭ باسشىلارى دا قاتىستى.
كەڭەستىڭ كەزەكتى ءماجىلىسىن وتكىزۋ رەسەي فەدەراتسياسىندا 2022 جىلدىڭ ءبىرىنشى جارتىجىلدىعىنا جوسپارلانعان.
