ايتا كەتەيىك, 2020 جىلى فيليالدىڭ فرونت-وفيستەرى ساپالى قىزمەت كورسەتۋ بويىنشا رەيتينگتە رەسپۋبليكا كولەمىندە ەكى جىل قاتارىنان 1 ورىندا كەلەدى.
«2020 جىلى حالىققا قىزمەت كورسەتۋ ورتالىعى ارقىلى 628 783 مەملەكەتتىك قىزمەت كورسەتىلدى, سونىڭ ىشىندە ءداستۇرلى تۇردە 623 000 ءوتىنىش, ال ەلەكتروندى تۇردە 5 783 ءوتىنىش قابىلداندى. بۇل كورسەتكىشتەر 2019 جىلمەن سالىستىرعاندا 36 % ازايعان. سەبەبى مەملەكەتتىك قىزمەتتەردىڭ دەنى ەلەكتروندىق فورماتقا اۋىستىرىلدى, سونداي-اق قىزىلوردالىقتاردىڭ تسيفرلىق ساۋاتتىلىعى ارتىپ, ەلەكتروندى-تسيفرلىق قولتاڭبالارىمەن مەملەكەتتىك قىزمەتتەردى ءوز بەتىنشە الا باستادى», - دەدى فيليال ديرەكتورى ايدىن قايرۋللاەۆ.
ايتا كەتەيىك, مەملەكەتتىك قىزمەتتەرگە قولجەتىمدىلىكتى جەڭىلدەتۋ ءۇشىن تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى تانىمال ينتەرنەت پلاتفورمالارعا ونلاين قىزمەتتەردى شىعارۋ تۋرالى شەشىم قابىلدادى. قازىرگى تاڭدا Kaspi.kz, Halyk Bank, اlfa Bank جانە سبەربانك قوسىمشالارىندا جەكە كاسىپكەرلەردى تىركەۋ قىزمەتى ىسكە قوسىلىپ, جۇمىس ىستەۋدە. الداعى ۋاقىتتا دا بۇل ءۇردىس جالعاسىن تاپپاق.
سونداي-اق «ازاماتتارعا ارنالعان ۇكىمەت» مەملەكەتتىك كورپوراتسياسى 2020 جىلدىڭ اياعىندا QR-كود قولدانۋ ارقىلى تولەم جاساۋ جانە حقو جۇمىسىن باعالاۋ مۇمكىندىگىن ەنگىزگەن بولاتىن. حالىقپەن كەرى بايلانىستى نىعايتۋ ماقساتىندا ەنگىزىلگەن QR-باعالاۋ ارقىلى بۇگىنگى تاڭدا 500-دەن استام ازامات ءوز پىكىرلەرىن قالدىرىپ, حالىققا قىزمەت كورسەتۋ بولىمدەرى جۇمىسىنىڭ ساپاسىن باعالاپ ۇلگەردى.
وسىناۋ قيىن كەزەڭدە قايمىعىپ قالعان بۇقارانىڭ كوڭىلىن اۋلاپ, جانىن جادىراتۋ ءۇشىن بىرنەشە اي بۇرىن حقو-دا ء«بىز جىلۋ سىيلايمىز» اتتى جاڭا يگى باستاما پايدا بولدى. وسى ورايدا ومىرىندەگى ماڭىزدى وقيعالارعا وراي قۇجات راسىمدەۋگە كەلگەن قىزمەت الۋشىلارعا قۇجاتتارىن سالتاناتتى تۇردە تابىستاۋ ءداستۇرى قولعا الىنىپ, بۇگىندە حقو-عا كەلگەن مىڭنان استام ازاماتقا قۇرمەت كورسەتىلىپ, ەستەلىك سىيلىقتار تابىستالدى.
ء«بىز حالىققا ساپالى قىزمەت كورسەتىپ, قىزمەت الۋشىلار ءۇشىن وڭاي ءارى جىلدام قىزمەت كورسەتۋىمىز قاجەت. بۇگىندە الەم وزگەرۋدە, ونىمەن بىرگە ءبىز دە وزگەرۋىمىز كەرەك. ءبىزدىڭ ماقساتىمىز - قىزمەت الۋشىلاردى جىگەرلەندىرىپ, قۋانىشىن ءبولىسىپ, جىلۋلىق سىيلاۋ», - دەدى ايدىن بوكەنباي ۇلى.
