نۇر-سۇلتان قالاسى اكىمىنىڭ ورىنباسارى باقتيار ماكەننىڭ توراعالىعىمەن "استانا-ادالدىق الاڭى" جوبالىق كەڭسەسى جۇمىسىنىڭ وتكەن جىلعى قورىتىندىسى بويىنشا كەڭەس ءوتتى.
اكىم ورىنباسارىنىڭ ايتۋىنشا, ءبىلىم بەرۋ سالاسىن وڭتايلاندىرۋ – مەكتەپ ديرەكتورلارىن روتاتسيالاۋ, مەكتەپتەگى تاماقتانۋ ىسىندە مەملەكەتتىك ساتىپ الۋدى اۆتوماتتاندىرۋ, تۇرمىستىق سىبايلاس جەمقورلىقتىڭ جولىن كەسۋ بويىنشا جاسىرىن ونلاين-ساۋالنامالار جۇرگىزىلدى. سونداي-اق دەنساۋلىق ساقتاۋ سالاسىن وڭتايلاندىرۋ, ياعني دەنساۋلىق پاسپورتتارىن 100% تسيفرلاندىرۋ (1 ملن-نان استام مەديتسينالىق قۇجات تسيفرلاندىرىلدى), ەلەكتروندىق كەزەك DAMUMED, مەديتسينالىق انىقتامالاردى بەرۋدىڭ زاڭدىلىعىن تەكسەرۋ ءۇشىن اقپاراتتىق سەرۆيس ازىرلەندى.
سونىمەن قاتار, "اشىق بيۋدجەتتەردىڭ ينتەراكتيۆتى كارتاسى" جوباسى جۇزەگە اسىرىلدى. 2020 جىلدىڭ قورىتىندىسى بويىنشا ەلوردا 100% قامتاماسىز ەتىلدى.
بيىلعى "استانا — ادالدىق الاڭى" باستاماسى بويىنشا قورعانىس دەپارتامەنتىنىڭ اۋماعىندا فرونت-وفيس, سونداي-اق ءدارى-دارمەكتەردى ەڭ تومەنگى باعامەن ساتاتىن 2 الەۋمەتتىك ءدارىحانا (ازىرباەۆ كوشەسى, 4/1 جانە سىعاناق كوشەسى, 9) اشىلدى.
ەلوردانىڭ سەرۆيستىك اكىمدىكتەرىنىڭ ماماندارى 46 مىڭ كەڭەس بەردى. 2020 جىلى قالا اكىمدىگى مەن سىبايلاس جەمقورلىققا قارسى ءىس-قيمىل اگەنتتىگىنىڭ دەپارتامەنتى اراسىندا بىرلەسكەن ىنتىماقتاستىق تۋرالى مەموراندۋم جاسالدى. سونداي-اق, دەپارتامەنتپەن "استانا-ادالدىق الاڭى" بىرلەسكەن جوباسى جۇرگىزىلۋدە. وندا نەگىزگى مىندەت تۇرمىستىق سىبايلاس جەمقورلىقتى جويۋ بولىپ سانالادى.
"2020 جىلدىڭ وزىندە سەرۆيستىك اكىمدىكتەر كورسەتكەن قىزمەتتەر سانى 126 مىڭدى قۇرادى, ونىڭ ىشىندە 46 مىڭى – مامانداردىڭ كونسۋلتاتسياسى. 160 مەملەكەتتىك قىزمەت اۆتوماتتاندىرىلدى. بۇرىن قاعاز تۇرىندە كورسەتىلەتىن 27 قىزمەت ەلەكتروندىق فورماتقا كوشىرىلدى", - دەدى ب.ماكەن.
اكىم ورىنباسارى ەلوردادا جەرگىلىكتى اتقارۋشى ورگاندار كورسەتەتىن مەملەكەتتىك قىزمەتتەردىڭ 100% ەلەكتروندى فورماتقا كوشىرىلگەنىن اتاپ ءوتتى.
سونىمەن قاتار, قىزمەت كورسەتۋدىڭ سەرۆيستىك مودەلىنىڭ تۇجىرىمداماسى ەنگىزىلدى:
- جۇمىسپەن قامتۋ ورتالىعى;
- "استانا-ادالدىق الاڭى" جوباسى اياسىندا "IQALA" قالالىق قىزمەتتەر ورتالىعى اشىلدى. وندا 154 قىزمەت تسيفرلاندىرىلعان (75 مىڭنان استام قىزمەت كورسەتىلگەن);
- "جانۇيا" وتباسى ينستيتۋتىن قولداۋ ورتالىعى»;
- تۇرعىن ءۇي ورتالىعى. ورتالىق قىزمەتكەرلەرى كۇن سايىن 300-دەن استام ازاماتقا كەڭەس بەرەدى.
ءسوز سوڭىندا اكىم ورىنباسارى مەملەكەتتىك سىبايلاس جەمقورلىققا قارسى ساياساتتى ودان ءارى جەتىلدىرۋ جولىندا تابىستى جۇمىس تىلەدى.
