سارتاي – كىشى ءجۇزدىڭ ۇلكەنى – الىمنەن تارايتىن جاقايىم اتالىعىنان. 15 جاسىندا اڭىراقاي شايقاسىنا قاتىسقان دەپ ايتىلاتىن سارتاي باتىر تۋرالى نۇرماعامبەت قوسجان ۇلىنىڭ «سارتاي باتىر نەمەسە مىڭ بالا» داستانى ساقتالسا, كەيىن وسى وقيعا جەلىسىمەن كينورەجيسسەر اقان ساتاەۆ «جاۋجۇرەك مىڭ بالا» ءفيلمىن تۇسىرگەن.
سارتاي باتىردىڭ بالاسى كوكەباي امانگەلدى يمانوۆ باستاعان ۇلت-ازاتتىق كوتەرىلىسكە قاتىسقان. كوكەباي قايتىس بولعان سوڭ, جادىگەر ونىڭ بالاسى قۇلنازارعا بەرىلگەن. ورالداعى مۋزەي قورىنا 1985 جىلى قىزىلوردا وبلىسى ارالقۇم اۋدانىندا تۇراتىن قۇلنازاردىڭ ۇلى ماتىعۇل ەسىمدى ازامات تاپسىرعان ەكەن.
ايتا كەتەيىك, اشاماي – جاس بالا ات جالىن تارتىپ مىنگەندە العاش تاقىمى تيەتىن اعاش ەر. سارتاي باتىردىڭ اشامايى قايىڭنان شاۋىپ جاسالعان ەكەن.
سارتاي بايجان ۇلى شامامەن 1711-1785 جىلدار اراسىندا ءومىر سۇرگەن دەسەك, بۇل قۇندى جادىگەرگە ءۇش عاسىردان اسىپ بارا جاتىر ەكەن.
باتىس قازاقستان وبلىسى
