ايماقتار • 26 قاڭتار، 2021

قىزىلوردادا بيىل 4 ءىرى جوبا ىسكە قوسىلادى

174 رەت كورسەتىلدى

سىر وڭىرىندە بيىل ءوۇنى 48،5 ملرد تەڭگە بولاتىن 4 جوبا ىسكە قوسىلادى دەپ جوسپارلانىپ وتىر، دەپ حابارلايدى Egemen.kz

ولار قىزىلوردا قالاسىنداعى شىنى زاۋىتى، قارماقشى اۋدانىنداعى قۇس ءوندىرۋ فابريكاسى، ارال اۋدانىندا تۇز ءوندىرۋ جانە تۇيە سۇتىنەن قۇرعاق ۇنتاق شىعارۋ زاۋىتتارى.

بۇگىندە ارال اۋدانىنداعى ەكى جوبانىڭ قۇرىلىس جۇمىستارى اياقتالىپ قالدى. قوس جوبانىڭ جالپى قۇنى 4،4 ملرد.تەڭگەنى قۇرايدى.

سونىمەن قاتار وسى جىلى 3 زاۋىتتىڭ قۇرىلىسى باستالادى.  «شالقيا» پوليمەتالل كەن بايىتۋ فابريكاسى، كالتسيلەنگەن سودا زاۋىتى مەن شاعىن ارماتۋرا زاۋىتى سالىنادى. سونداي-اق، قۇرىلىسى وتكەن جىلى باستاۋ العان ەت كومبيناتىنىڭ قۇرىلىسىجالعاسىن تابادى.

جالپى سىر وڭىرىندە يندۋستريالاندىرۋ باعدارلاماسىنىڭ ءۇشىنشى بەسجىلدىعى اياسىندا باسەكەگە قابىلەتتى، ەكسپورتقا باعىتتالعان 37 جوبا جۇزەگە اسىرىلىپ، 7 مىڭعا جۋىق ادام جۇمىسپەن قامتىلادى.

سوڭعى جاڭالىقتار

ۇقساس جاڭالىقتار