ايماقتار • 25 قاڭتار، 2021

ەكى ادامدى كۇيىك شالعان: جامبىل وبلىسىندا گاز باللونى جارىلىپ كەتتى

15 رەت كورسەتىلدى

جامبىل وبلىسىندا گاز باللونى جارىلىسىنان ەكى ادام زارداپ شەكتى، دەپ حابارلايدى Egemen.kz

 

«23 قاڭتاردا ساعات 16: 20-دا جامبىل وبلىسى تجد داعدارىستىق جاعدايلار باسقارماسىنا جامبىل اۋدانىنداعى شايقورىق اۋىلىندا جەكە ءۇيدىڭ دالىزىندە تۇرعان 3 ليترلىك گاز باللونىنىڭ جارىلعانى تۋرالى حابار كەلىپ ءتۇستى. جارىلىستان ءدالىزدىڭ قابىرعاسىندا جارىقتار پايدا بولىپ، كىرەبەرىس ەسىك قيراعان. ءۇي يەسىنىڭ 33 جانە 13 جاستاعى بالاسىن كۇيىك شالىپ، اۋرۋحاناعا جەتكىزىلدى»، دەلىنگەن حابارلامادا.

وقيعا ورنىنا تجد-دان 11 قىزمەتكەر، جەدەل جاردەم بريگاداسى، 4 پوليتسيا باردى. دەپارتامەنت گاز باللونىن قاۋىپسىزدىك ەرەجەسىنە سايكەس ساقتاۋ جانە پايدالانىلۋ كەرەكتىگىن ەسكەرتەدى.

 

سوڭعى جاڭالىقتار

ۇقساس جاڭالىقتار