تاعايىنداۋ • 25 قاڭتار، 2021

قاراعاندى وبلىسى جاستارىنىڭ جەتەكشىسى تاعايىندالدى

58 رەت كورسەتىلدى

قاراعاندى وبلىستىق جاستار ساياساتى جونىندەگى باسقارمانىڭ باسشىسى بولىپ ءبىرجان ءالىمجانوۆ تاعايىندالدى، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

ءبىرجان نۇرجان ۇلى ءالىمجانوۆ الماتى وبلىسىنىڭ پەتروپاۆلوۆكا اۋىلىندا دۇنيەگە كەلگەن. اكادەميك ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ تۇلەگى. «باعالاۋشى» ماماندىعى بويىنشا قىزمەت كورسەتۋ سالاسىنىڭ باكالاۆرى، مەملەكەتتىك جانە جەرگىلىكتى باسقارۋ ماگيسترى. سونداي-اق ول پراگا قالاسىنداعى جوعارى ەكونوميكا مەكتەبىندە حالىقارالىق تاعىلىمدامادان وتكەن.

قاراعاندى قالالىق ءماسليحاتىنىڭ V جانە VI شاقىرىلىمدارىنىڭ دەپۋتاتى، «Nur Otan» پارتياسىنىڭ مۇشەسى.

ەڭبەك جولىن 2010 جىلى «قاراعاندى وبلىسىنىڭ جاستار وداعى» قب-نىڭ توراعاسى بولىپ باستاعان. جاستار ءىسى جونىندەگى ورتالىقتىڭ جەتەكشى مامانى جانە ديرەكتورى قىزمەتىن اتقاردى. 2016 جىلى نۇر-سۇلتان قالاسىنىڭ ءتىل ساياساتىنىڭ ساراپتاما جانە مونيتورينگ باسقارماسىنىڭ ساراپشىسى بولعان. سول جىلى كاسىبي شەبەرلىك جانە WorldSkills قوزعالىسىن دامىتۋ جونىندەگى باسقارمادا مەنەدجەر، سونان سوڭ باس مەنەدجەر بولىپ ەڭبەك ەتتى.

2018 جىلى ءبىلىمدى قارجىلاندىرۋ مەملەكەتتىك جۇيەسىن دامىتۋ جانە ستۋدەنتتىك جاتاقحانالار وپەراتورلىعى جونىندەگى باسقارما ديرەكتورىنىڭ ورىنباسارى بولدى. ودان كەيىن «قارجى ورتالىعى» اق-نىڭ  ستۋدەنتتىك جاتاقحانالار وپەراتورلىعى جونىندەگى دەپارتامەنتىنىڭ ديرەكتورى لاۋازىمىنا تاعايىندالىپ، بۇگىنگى كۇنگە دەيىن وسى قىزمەتتى اتقارىپ كەلدى.

سوڭعى جاڭالىقتار

ۇقساس جاڭالىقتار