ساياسات • 25 قاڭتار، 2021

قىزمەتتەردىڭ قولجەتىمدىلىگى وڭ باعالاندى

4 رەت كورسەتىلدى

مەملەكەتتىك قىزمەت ىستەرى اگەنتتىگىنىڭ توراعاسى انار جايىلعانوۆانىڭ جانە قازاقستانداعى بۇۇ دامۋ باعدارلاماسىنىڭ (بۇۇ دب) تۇراقتى وكىلى ياكۋپ بەريشتىڭ قاتىسۋىمەن «مەملەكەتتىك اپپاراتتى كاسىبيلەندىرۋ تەتىكتەرىن جەتىلدىرۋ، مەملەكەتتىك قىزمەتتەردىڭ ساپاسىن قامتاماسىز ەتۋ جانە سىبايلاس جەمقورلىقتىڭ الدىن الۋ» جوباسىن باسقارۋ جونىندە ونلاين وتىرىس ءوتتى. وندا ءۇش جىلدىق بىرلەسكەن جوبانى ىسكە اسىرۋدىڭ قورىتىندىلارى شىعارىلدى.

ونلاين-وتىرىس بارىسىندا انار جايىل­عانوۆا ياكۋپ بەريشكە سىندارلى ىنتىماق­تاستىعى ءۇشىن العىس ايتىپ، وتكەن جىلى بىرلەسكەن كۇش-جىگەرمەن جۇزەگە اسىرىلعان جۇمىستاردىڭ ناتيجەلەرىنە توقتالىپ ءوتتى.

«بۇۇ دب-نىڭ قولداۋىمەن وتكەن جىلى مەملەكەتتىك قىزمەت كورسەتۋ ساپاسىن انىقتاۋ، مەملەكەتتىك قىزمەتشىلەردىڭ ەتيكالىق دەڭ­گەيىن قوعامنىڭ قابىلداۋى، iQyzmet پلات­فور­ماسىنىڭ قاناتقاقتى نۇسقاسىن ازىرلەۋ باعى­تىندا سەمينارلار مەن زەرتتەۋلەر وتكىزۋ جوبالارى ىسكە اسىرىلدى»، دەدى اگەنتتىك توراعاسى.

اتاپ ايتقاندا، بۇۇ دب قولداۋىمەن مەم­­لە­كەتتىك قىزمەتشىلەردىڭ ادەپتىلىك دەڭ­­گەيىن انىقتاۋ ءۇشىن 7000 رەسپوندەنت جانە مەملەكەتتىك قىزمەتتەردىڭ 70 ءتۇرىنىڭ ساپا­سى مەن قولجەتىمدىلىگى بويىنشا قىزمەت الۋ­شى­­لاردىڭ قاناعاتتانۋ دەڭگەيىن انىقتاۋ ءۇشىن 9181 رەسپوندەنتتەن ساۋالداما الىنىپ، ناتي­جەسىندە تۇرعىنداردىڭ قاناعاتتانۋىنىڭ ورتاشا دەڭگەيى 75،1 پايىزدى قۇراعان.

تسيفرلى فورماتتا مەملەكەتتىك قىز­مەت­تەردى الۋدا تۇرعىندارعا پراكتيكالىق كومەك كور­سەتۋ ءۇشىن 400 ەرىكتىنىڭ قاتىسۋىمەن ۇسى­نىم­دار ازىرلەنىپ، ارنايى جەلى قالىپتاس­تى­رىلعان.

بۇۇ دب قولداۋىمەن پرەزيدەنتتىك جاس­تار كادر رەزەرۆىن، مەملەكەتتىك قىزمەت ىستەرى اگەنتتىگىنىڭ IT-ارحيتەكتۋراسىن قۇرۋ مەن تەح­نيكالىق جابدىقتالۋىن قامتاماسىز ەتۋ بويىن­شا جوبالار جۇزەگە اسىرىلۋدا.

ياكۋپ بەريش اگەنتتىكتىڭ COVID-19 پاندەمياسى كەزەڭىندەگى ماڭىزدى ۇيلەس­تىرۋ­شىلىك ءرول اتقارىپ، مەملەكەتتىك ورگاندارمەن بىرلەسە ءىس-قيمىل جاساي وتىرىپ، تونگەن سىن-قاتەرلەرگە قاراماستان، مەملەكەتتىك قىز­مەت كور­سەتۋدىڭ قولجەتىمدىلىگىن، ساپاسىن جانە جەدەلدىگىن قامتاماسىز ەتكەنىن اتاپ ءوتتى.

تۇراقتى وكىلدىڭ ايتۋىنشا، پاندەميا تسيفر­لى قىزمەتتەردىڭ ماڭىزدىلىعىن كور­سەتتى. «قازاقستان وسى باعىتتا جەتەكشى ەلدەر قا­تارىندا ەلەۋلى ءرول اتقارادى جانە بۇۇ دب-نىڭ قازاقستانداعى وكىلدىگى ءوز تاجىريبەسىمەن بولىسۋگە دايىن»، دەدى ول.

ياكۋپ بەريش مەملەكەتتىك قىزمەت ىستەرى اگەنتتىگىنە ءوزارا سەنىمگە، تۇسىنىستىككە جانە سينەرگياعا نەگىزدەلگەن ءتيىمدى ارىپتەستىك ءۇشىن العىسىن ءبىلدىرىپ، ونىڭ العا قويعان باسىمدىقتارى ەلدىڭ تۇراقتى دامۋىنا باعىتتالعان بۇۇ دب ماقسات-مىندەتتەرىمەن سايكەس كەلەتىنىنە سەنىم ءبىلدىردى.

ونلاين وتىرىس سوڭىندا انار جايىلعانوۆا اگەنتتىك بۇۇ دب-مەن سەرىكتەستىك كوكجيەگىن ودان ءارى دامىتا بەرەتىنىن مالىمدەدى، دەپ حابارلادى مەملەكەتتىك قىزمەت ىستەرى اگەنتتىگىنىڭ ءباسپاسوز قىزمەتى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار