اتاپ ايتار بولساق, مەملەكەت باسشىسى كەدەرگىلەردى جويۋ ماسەلەسىن نازارعا الدى. بۇل سۇراق جالپى, وداق قۇرىلعان كەزدەن باستاپ وزەكتىلىگىن جوعالتپاعان ەدى. ونداي بوگەسىندەر لەگيتيمدى ەمەس تەجەۋىش سانالادى. قانداي دا ءبىر ۇردىسكە كەدەرگى كەلتىرەرى ءسوزسىز. سوعان قاراماستان, بۇل ماسەلە قايتا-قايتا تۋىنداپ وتىر. سوندىقتان كەدەرگىلەردى جويۋعا باسا ءمان بەرۋ قازاقستاننىڭ دا مۇددەسىنە ساي كەلەدى.
پرەزيدەنت ۇندەۋىندە بارىنەن بۇرىن وداققا مۇشە ەلدەردىڭ وندىرىستىك كووپەراتسياسى الدىڭعى ورىنعا شىعارىلعان. بۇل قازاقستان ەاەو-دان تيىمدىلىك كۇتەتىنىن كورسەتەدى. ءوندىرىس سالاسىندا تىعىز بايلانىس پەن سەرىكتەستىكتى قامتاماسىز ەتۋ – قازاقستان ءۇشىن ەكونوميكانىڭ قايتا وندەۋ سالاسىن, جوعارى تەحنولوگيالىق وندىرىستەردى دامىتۋ جولىندا وتە ماڭىزدى.
سونىمەن قاتار وداققا مۇشە ەلدەردىڭ كولىك-لوگيستيكالىق الەۋەتىن ودان ءارى دامىتۋ قاجەتتىگى دە اتالىپ ءوتتى. قازىرگى تاڭدا قىتاي سىندى الەمنىڭ ءىرى فابريكاسى ءونىمىنىڭ كوپ بولىگى جونەلتىلەتىن ەۋروپا ءۇشىن قازاقستان مەن رەسەي نەگىزگى ماگيسترالدى جول بولىپ سانالادى. وسى ورايدا ترانزيتتىك اعىندى رەتتەۋ ماڭىزعا يە.
پرەزيدەنت ءوز ۇندەۋىندە وسىنداي وزەكتى ماسەلەلەردى جولعا قويۋ ءۇشىن ەاەو-نىڭ بار مۇمكىندىگىن قولدانۋ كەرەكتىگىن اتاپ كورسەتتى. سونىمەن بىرگە اتالعان وداقتىڭ باسقا دا ايماقتىق, ەۋروپا وداعى سياقتى حالىقارالىق ۇيىمدارمەن سەرىكتەستىگىن دامىتۋدىڭ ماڭىزدىلىعىنا توقتالدى. بۇل – اۋەلدەن ايتىلىپ كەلە جاتقان ۇسىنىس. كەڭ اۋقىمدى ينتەگراتسيانىڭ جولعا قويىلۋىنا 2013 جىلدان بەرى ساياسي كەدەرگىلەر بوگەسىن بولعانى بەلگىلى. قازاقستاننىڭ توراعالىعى ارقىلى وسى ماڭىزدى ماسەلە وڭ شەشىمىن تابادى دەگەن سەنىم بار.
ۆياچەسلاۆ دودونوۆ,
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ باس عىلىمي قىزمەتكەرى, ەكونوميكا عىلىمدارىنىڭ دوكتورى
