پىكىر • 25 قاڭتار، 2021

ىنتىماقتاستىق جالعاسا بەرەدى

8 رەت كورسەتىلدى

قازاقستان بيىلدان باستاپ ەۋرازيالىق ەكونوميكالىق وداق ورگاندارىندا توراعالىق ەتۋدى قابىل العانى بەلگىلى. وسىعان وراي مەملەكەت باسشىسى قاسىم-جومارت توقاەۆ ەاەو-عا مۇشە-مەملەكەتتەردىڭ باسشىلارىنا ۇندەۋ جولداپ، الداعى قادامداردى ايقىندادى.

وسى وداق تۋرالى ايتقان كەزدە ەڭ الدىمەن وعان مۇشە-مەملەكەتتەردىڭ اراسىنداعى سىيلاستىق جايىندا ايتۋ كەرەك شىعار. سىيلاستىق قايتسە دە بولۋى شارت. وكىنىشكە قاراي، رەسەي فەدەراتسياسى دە­پۋتاتتارىنىڭ بۇعان دەيىن بىلدىرگەن ورىنسىز پىكىر­لەرى بۇل مەملەكەتتىڭ بيلىگى ۇس­تانعان پوزيتسياعا قاراما-قاي­شى كەلىپ قالعانى اڭعارىلادى.

ارينە، قاي مەملەكەتتىڭ بولسىن ۇستانىمىن سول ەلدىڭ پرەزيدەنتى مەن سىرتقى ىستەر ءمينيسترى عانا ايقىنداي الادى. الايدا اڭداۋسىز ايتىلعان ارتىق پىكىر وسى وداقتىڭ ءمان-ماعىناسىنا داق ءتۇسىرىپ العان سەكىلدى. سوندىقتان مەملەكەتتەر اراسىندا سىيلاستىق بولسا قارىم-قاتىناس تا، ساۋدا-ساتتىق تا داميدى. بۇل رەتتە، پرەزيدەنتىمىزدىڭ رەسەي فەدەراتسياسىنىڭ قازاق­ستان­داعى توتەنشە جانە وكىلەتتى ەلشىسى الەكسەي بوروداۆكيندى ءىى دارەجەلى «دوستىق» وردە­نى­مەن ماراپاتتاۋى – رەسەي مەن قازاقستاننىڭ اراسىنداعى دوس­­تاستىقتى نىعايتۋعا باعىت­تالعان قادامى دەپ قابىلداۋعا بولاتىن سياقتى.

ءوز باسىم، وسى وداققا وزبەكستاننىڭ كىرگەنىن قالار ەدىم. وكىنىشكە قاراي، وزبەك­ستان ونداي قادامعا ءالى بارا قويماي­تىن سياق­تى. بۇل مەملەكەتتىڭ وداق قۇرامىنا قوسىل­عانى قازاقستان ءۇشىن دە قولايلى بولار ەدى. سەبەبى ءبىر ەكونوميكالىق ايماقتا بولساق، باۋىرلاس ەكى ەل اراسىندا مۇددەلەستىك ارتا تۇسەتىنى اقيقات. الىس-بەرىس، ساۋدا-ساتتىق داميدى. 30 ملن حالقى بار مەملەكەتپەن ساناسپاي قويا المايمىز. بۇل قادام ەكى مەملەكەتكە ءتيىمدى بولاتىنىنا سەنىمدىمىن.

اشىعىن ايتايىق، مە­نىڭ­شە، قازىر ەۋرازيالىق ەكو­نو­­ميكالىق وداقتان قازاق­ستاننان گورى، رەسەي كوپ پايدا كورىپ وتىر. ونى مويىنداۋى­مىز كەرەك. الايدا وسى وداققا وزبەك­ستان، تۇرىكمەنستان، ازەر­باي­جان ءتىپتى تۇركيا سىن­دى باۋىر­لاس تۇركى مەملەكەت­تەرى قوسىلاتىن بولسا، ءبىزدىڭ دە اسىعىمىز الشىسىنان ءتۇسۋى ىق­تيمال. سوندىقتان الداعى بەس جىل­دا اۋقىمدى جۇمىستار ات­قا­رىلىپ، ماڭىزدى ماسە­لە­لەر تالقىلانادى دەپ سەنەمىن.

 

سامات نۇرتازا،

ەۋرازيالىق ينتەگراتسيا ينستيتۋتىنىڭ ساراپشىسى   

سوڭعى جاڭالىقتار

ۇقساس جاڭالىقتار