تاعىلىمدى ءىس-شارانىڭ اتالعان مۋزەي قابىرعاسىندا ءوتۋى تەگىن ەمەس ەدى. مۇندا ورتالىق قازاقستاندا جۇرگىزىلگەن ارحەولوگيالىق قازبا كەزىندە تابىلعان جەبەلەردىڭ ۇشتارى كوپتەپ ساقتالعان. باپكەر مەيىرىمحان ەراليەۆ وسى جادىگەرلەردى مىسالعا كەلتىرە وتىرىپ, بالالارعا ساداق اتۋ ونەرىنىڭ تاريحى تۋرالى قىزعىلىقتى اڭگىمەلەر ايتىپ بەردى.
جالپى مەيىرىمحان ەراليەۆ وسكەلەڭ ۇرپاق وكىلدەرىن ساداق اتۋ ونەرىنە تەگىن باۋلىپ ءجۇر. ونىڭ پىكىرىنشە, الداعى ۋاقىتتا قالادا ساداق اتۋ سپورتى مىندەتتى تۇردە داميدى ەكەن. «ويتكەنى, – دەيدى باپكەر, – جەزقازعاندا سپورتتىڭ وسى تۇرىنە دەگەن جاستار اراسىنداعى قىزىعۋشىلىق وتە زور. ولاردىڭ ىشىندە تالانتتىلارى دا بارشىلىق. ءتىپتى, ۇلكەندەردىڭ ءوزى كەلىپ, ۇيرەتۋگە قولقا سالىپ جاتادى».
كوروناۆيرۋس ينفەكتسياسىنا بايلانىستى قازىرگى ۋاقىتتا ساداق اتۋ ۇيىرمەسىنە كەلۋشىلەردىڭ سانى ءبىرشاما كەمىگەن. ايتسە دە, كورشى ساتباەۆ قالاسىنان بىرنەشە اتا-انا كەلىپ, بالالارىن ۇيىرمەگە اكەلۋگە نيەت ءبىلدىرىپتى. ال مەيىرىمحان ەراليەۆتىڭ ءوزى ماڭايداعى اۋىلدارعا شىعىپ, ونداعى بالالارعا ساداق اتۋ ونەرىنىڭ ءالىپبيىن ۇيرەتىپ ءجۇر.
قاراعاندى وبلىسى,
جەزقازعان قالاسى
