تاۋەلسىزدىك مەرەكەسى قارساڭىندا تۇركىستان سازدى-دراما تەاترى بۇگىنگى كۇننىڭ ەڭ وزەكتى ماسەلەلەرىنىڭ ءبىرى – شەتەلگە بالا ساتۋ پروبلەماسىنا ارنالعان «ءتىرى جان» اتتى درامانى كورەرمەنگە ۇسىندى. بۇل شىعارما كەزىندە قازاقستان رەسپۋبليكاسى ۇلتتىق كىتاپحاناسى وتكىزگەن درامالىق شىعارمالاردىڭ جابىق بايگەسىندە جۇلدەگە يە بولعان ەدى. ونى ساحنالاعان – ونەرتانۋ عىلىمدارىنىڭ كانديداتى, پروفەسسور كارىمبەك سەيىتمەتوۆ. الدانىپ قالعان جاس كەلىنشەك ۇلمەكەن (گۇلزادا ايتباەۆا), جىلپوس جىگىت پازيك (جاندوس ماحانوۆ), شەتەلدىك بيزنەس وكىلى ەلتون مىرزا (شاكەن امانتۇروۆ), ت.ب. ءوز رولدەرىن اسا شەبەرلىكپەن ورىنداپ, كوپ كوڭىلىنەن شىقتى.
تاۋەلسىزدىك مەرەكەسى قارساڭىندا تۇركىستان سازدى-دراما تەاترى بۇگىنگى كۇننىڭ ەڭ وزەكتى ماسەلەلەرىنىڭ ءبىرى – شەتەلگە بالا ساتۋ پروبلەماسىنا ارنالعان «ءتىرى جان» اتتى درامانى كورەرمەنگە ۇسىندى. بۇل شىعارما كەزىندە قازاقستان رەسپۋبليكاسى ۇلتتىق كىتاپحاناسى وتكىزگەن درامالىق شىعارمالاردىڭ جابىق بايگەسىندە جۇلدەگە يە بولعان ەدى. ونى ساحنالاعان – ونەرتانۋ عىلىمدارىنىڭ كانديداتى, پروفەسسور كارىمبەك سەيىتمەتوۆ. الدانىپ قالعان جاس كەلىنشەك ۇلمەكەن (گۇلزادا ايتباەۆا), جىلپوس جىگىت پازيك (جاندوس ماحانوۆ), شەتەلدىك بيزنەس وكىلى ەلتون مىرزا (شاكەن امانتۇروۆ), ت.ب. ءوز رولدەرىن اسا شەبەرلىكپەن ورىنداپ, كوپ كوڭىلىنەن شىقتى.
ەكىنشى سپەكتاكلدى ق.جانداربەكوۆ اتىنداعى جەتىساي دراما تەاترى ساحنالادى. «اي استىنداعى التىن شاھار» اتتى سپەكتاكلدىڭ نەگىزگى وقيعا جەلىسىندە – ءبىر وتباسىنداعى تراگەديالىق احۋال ءسوز بولادى. سپەكتاكلدىڭ رەجيسسەرى – حالىقارالىق تەاترلار فەستيۆالىنىڭ لاۋرەاتى, كاسىبي «ەڭلىكگۇل» سىيلىعىنىڭ يەگەرى قۋاندىق قاسىموۆ. ءوز شاراناسىنان جەرىگەن جاس كەلىن نۇرعانىم (س.ايداروۆا), كورەگەن انا بالىم (ۇ.بازارباەۆا), كەيۋانالار ءنازيپا (م.جۇمادىلداەۆا) مەن ءشاريپا (ا.رامەتوۆا), ت.ب. شىعارما مازمۇنىن بارىنشا اشا تۇسكەن. اسىرەسە, مۇندا ەنەلەر مەن كەلىندەر اراسىنداعى بۇگىنگى قارىم-قاتىناس جايى بارىنشا شىنايى كورىنىس تاپقان. شىمىر تارتىس بار. ايتا كەتۋ كەرەك, «اي استىنداعى التىن شاھار» – مادەنيەت مينيسترلىگى 2011 جىلى جاريالاعان تاۋەلسىزدىكتىڭ 20 جىلدىعىنا ارنالعان درامالىق شىعارمالار كونكۋرسىندا ارنايى جۇلدە العان پەسا.
بۇل ەكى پەسانىڭ دا اۆتورى – بەلگىلى جازۋشى-دراماتۋرگ, بىرقاتار ادەبي بايگەلەردىڭ جەڭىمپازى, قازاقستاننىڭ ەڭبەك سىڭىرگەن قايراتكەرى جولتاي ءالماش ۇلى.
ەكى قويىلىمداعى كوتەرىلگەن ءومىرلىك-تاعدىرلىق ماسەلەلەر كورەرمەندەردى بەيجاي قالدىرمايتىنى انىق.
اينۇر نايمانباي,
مادەنيەتتانۋشى.
