ايماقتار • 21 قاڭتار، 2021

قىزىلوردادا ەكى الاياق ايەل سوتتالدى

64 رەت كورسەتىلدى

وتكەن جىلدىڭ قىركۇيەك ايىندا قىزىلوردا وبلىسى، شيەلى اۋدانىنىڭ تۇرعىنى پوليتسياعا ارىزدانىپ، ەكى ايەلدىڭ «قىزىلوردا قالاسىنان 1 بولمەلى پاتەر الىپ بەرەمىن» دەگەن جەلەۋمەن جالپى 2 270 000 تەڭگە كولەمىندە اقشاسىن الداپ العانىن كورسەتكەن، دەپ حابارلايدى Egemen.kz

اتالعان دەرەك بويىنشا  قر قىلمىستىق كودەكسىنىڭ 190-بابىنىڭ 2-بولىگىنىڭ 1-تارماعىمەن سوتقا دەيىنگى تەرگەپ-تەكسەرۋ امالدارى جۇرگىزىلدى.  

تەرگەۋ بارىسىندا كۇدىكتى قاتارىندا تانىلعان قىزىلوردا قالاسىنىڭ تۇرعىندارى 54 جانە 44 جاستاعى ەكى ايەل الدىن الا ءسوز بايلاسۋ ارقىلى جاساعان قىلمىستىق ارەكەتتەرىن تولىعىمەن مويىنداعان.     

بۇدان بولەك، تەرگەۋ بارىسىندا ولاردىڭ باسقا دا الاياقتىق قىلمىس جاساعانى انىقتالىپ، اتالعان ىستەر ءبىر وندىرىسكە بىرىكتىرىلگەن.

تەرگەۋ بارىسىندا كۇدىكتىلەردىڭ زاڭسىز ءىس-ارەكەتتەرى تولىعىمەن ءوز دالەلىن تاۋىپ، اتالعان ءىس ايىپتاۋ اكتىسىمەن سوتقا جولداندى.  سوت پروتسەسىندە ولار ءوز كىناسىن تولىعىمەن مويىندادى.   

 قىزىلوردا قالالىق سوتىنىڭ وسى جىلعى 6 قاڭتارداعى ۇكىمىمەن الاياقتاردىڭ بىرىنە 4، ال ەكىنشىسىنە 1 جىل مەرزىمگە باس بوستاندىعىنان ايىرۋ جازالارى تاعايىندالدى.

سوڭعى جاڭالىقتار

ۇقساس جاڭالىقتار