كىر تاسىن كوتەرۋ. 76 جاستاعى الماتى وبلىسى كوكسۋ اۋىلىنىڭ تۇرعىنى كىر تاسىن كوتەرۋدەن الەمدىك رەكورد جاساعان ءامىرباي رىسقۇلوۆ گيننەستىڭ رەكوردتار كىتابىنا ەندى.
كىر تاسىن كوتەرۋ. 76 جاستاعى الماتى وبلىسى كوكسۋ اۋىلىنىڭ تۇرعىنى كىر تاسىن كوتەرۋدەن الەمدىك رەكورد جاساعان ءامىرباي رىسقۇلوۆ گيننەستىڭ رەكوردتار كىتابىنا ەندى.
ول رەسەيدىڭ ارحانگەلسك قالاسىندا وتكەن جارىستا گيننەستىڭ رەكوردتار كىتابىنا ەنگىزەتىن حالىقارالىق كوميسسيا مۇشەلەرىنىڭ الدىندا جارتى ساعاتتا 10 كيلولىق كىر تاسىن 750 رەت توقتاماي كوتەرىپ, جۇرتشىلىقتىڭ نازارىن وزىنە اۋدارتتى. وسىدان كەيىن كوميسسيا مۇشەلەرى 76 جاستاعى قاريانى گيننەستىڭ رەكوردتار كىتابىنا ەنگىزۋ تۋرالى شەشىم قابىلدادى.
بۇل جارىسقا الەمنىڭ ءار تۇكپىرىنەن 400-دەن استام كىر تاسىن كوتەرۋشىلەر قاتىسىپتى. ال ءبىزدىڭ ەلدەن جارىستا ءامىرباي رىسقۇلوۆتان باسقا, تاعى 4 ادام باقتارىن سىناسا, سونىڭ ىشىندە الماتى وبلىسىنان بارعان 55 جاسار جۇماحان قۇزاباەۆ تا رەكورد جاساپتى. قازىر ءامىرباي رىسقۇلوۆتىڭ قورجىنىندا 105 مەدال بولسا, ونىڭ 65-ءى – الەم, ازيا, ەۋروپا چەمپيوناتتارىنىڭ التىن جۇلدەسى.
شاڭعى. يتاليانىڭ ترەنتينو قالاسىندا ءوتىپ جاتقان قىسقى ۋنيۆەرسيادادا قازاقستاننىڭ ەرلەر جانە ايەلدەر قۇراما كومانداسى ءبىر التىن جانە ءبىر كۇمىس مەدالدى جەڭىپ الدى.
ءبىزدىڭ ەلگە العاشقى جۇلدەنى ايەلدەر اراسىندا شاڭعى جارىسىنان وتكەن سىندا تاتيانا وسيپوۆا سىيلادى. 10 شاقىرىمدىق قاشىقتىقتا تاتيانا ۋكراينالىق كاتەرينا گريگورەنكو مەن فين قىزى ماريانا پيتكەنەننەن وزىپ, ۋنيۆەرسيادا چەمپيونى اتاندى.
ەرلەر اراسىندا 15 شاقىرىمدىق سكياتلون جارىسىندا مارك ستاروستين كۇمىس مەدالدى يەلەندى.
«ەگەمەن-اقپارات».
