سونىمەن, سوتتىڭ اقپاراتى بويىنشا, ەر ادامنىڭ ەسىمى - اديتيا سينگح. ول 36 جاستا, ءارى جۇمىسسىز. ونىڭ چيكاگوعا وتكەن جىلدىڭ 17 قازانىندا ۇشىپ كەلگەنى بەلگىلى. ول كەلگەننەن كەيىن O'Hare حالىقارالىق اۋەجايىنىڭ قاۋىپسىزدىك ايماعىندا 3 اي تۇرعان. ءبىر قىزىعى, اۋە ايلاعىنىڭ قىزمەتكەرلەرى مۇنداي ۋاقىتتا بەيتانىس ادامدى بايقاماعاندارىن ايتادى.
اديتيا سينگح O'Hare حالىقارالىق اۋەجايىنىڭ قاۋىپسىز ايماعىندا ءۇش اي بويىنا جاسىرىنعان. (دەرەك چيكاگو پوليتسيا دەپارتامەنتىنەن)
الايدا, 16 قاڭتار كۇنى مەديتسينالىق ماسكا كيگەن ەر ادام United Airlines قىزمەتكەرلەرىنە كەلىپ, ءوزى ۇسىنعان قۇجاتقا نازار اۋدارۋىن سۇرايدى. ونىڭ قولىنداعى قۇجات اۋەجاي قىزمەتكەرىنىڭ توسبەلگىسى بولاتىن. بۇل بەلگىشەنى 2020 جىلدىڭ 26 قازانىندا اۋەجاي قىزمەتكەرلەرىنىڭ ءبىرى جوعالتىپ العان.
مۇنىڭ ءبارى كۇزەتشىلەردى شاقىرۋمەن اياقتالدى. ولار قورعالاتىن اۋماققا زاڭسىز كىرىپ, ۇرلىق جاساعانى ءۇشىن ەر ادامدى ۇستادى. انىقتاي كەلە ۇستالعان ەر ادام بۇرىن ەشقاشان زاڭ بۇزباعان بولىپ شىقتى.
جاۋاپ الۋ كەزىندە ول توسبەلگىنى اۋەجايدان تاۋىپ العانىن ايتقان. ونىڭ سوزىنشە, لوس-اندجەلەستەگى ۇيىنە پاندەميادان قورىققاندىقتان قايتا الماي ءجۇر.
اديتيا سينگحكە ناقتى قانداي شارا قولدانىلاتىنى ازىرگە بەلگىسىز.
