© AP Photo/Kiichiro Sato
جاپونيا ۇكىمەتى قاردى تازارتۋعا رەسۋرستار جەتكىلىكسىز ەلدىڭ سولتۇستىك ايماقتارىنا جەدەل قارجىلىق كومەك كورسەتپەك.
سەيسەنبىدە توكيودا وتكەن پرەسس-كونفەرەنتسيادا مەملەكەتتىك جەرلەر, ينفراقۇرىلىم, كولىك جانە تۋريزم ءمينيسترى كازۋيوسي اكابا ۇيلەردى قاردان تازارتۋ كەزىندە 60-تان استام ادام قازا تاپتى دەپ مالىمدەدى.
«ۇكىمەت قاجەتتى مولشەردى تەز ەسەپتەپ, قاردى قاۋىپسىز شىعارۋعا كومەك كورسەتەدى. ءبىز قار تازارتۋ كەزىندە قايتىس بولعانداردىڭ سانى كوبەيىپ كەتكەنىنە قاتتى الاڭدايمىز», - دەدى ول.
ءمينيستردىڭ ايتۋىنشا, قۇربان بولعانداردىڭ سانى 2017-2018 جىلدارى ءدال وسىنداي سەبەپپەن اجال قۇشقان ادامداردىڭ سانىنان الدەقايدا كوپ.
جاپونيانىڭ حونسيۋ ارالىنىڭ سولتۇستىگىندە جانە سولتۇستىك حوككايدو ارالىندا وتكەن جىلدىڭ جەلتوقسان ايىنان بەرى جاۋعان قار توقتاعان جوق. قالىڭ قاردىڭ سالدارىنان بىرنەشە رەت جول قوزعالىسى توقتاتىلىپ, كوممۋنالدىق قىزمەتتەردىڭ جۇمىسى بۇزىلعان.
جوعارىداعى ماسەلەگە وراي ۇكىمەت جەرگىلىكتى بيلىككە بولىنگەن رەسۋرستاردى ءبىرىنشى كەزەكتە حالىققا كومەكتەسۋ ءۇشىن پايدالانۋدى تاپسىردى.
