فوتو:تجد
وقيعا بارىسىندا وپىرىلعان جەردىڭ تەرەڭدىگى شامامەن التى مەترگە جەتكەن. قۇتقارۋشىلار كەلگەنگە دەيىن كاسىپورىن قىزمەتكەرلەرى ءبىر ادامدى ءوز كۇشتەرىمەن شىعارىپ ۇلگەرگەن. كەيىن تاعى ەكى زارداپ شەگۋشى ءۇيىندى استىنان قۇتقارىلدى.
توتەنشە جاعدايلار دەپارتامەنتى وقيعانىڭ ءمان-جايى انىقتالىپ جاتقانىن حابارلادى. زارداپ شەككەندەرگە اپاتتار مەديتسيناسى ورتالىعىنىڭ ماماندارى العاشقى كومەك كورسەتىپ, ولاردى اۋرۋحاناعا جەتكىزدى.
دارىگەرلەردىڭ مالىمەتىنشە, 1966 جانە 2001 جىلى تۋعان ەر ادامدار جانساقتاۋ بولىمىندە اۋىر جاعدايدا جاتىر. ال 1970 جىلى تۋعان تاعى ءبىر جۇمىسشى امبۋلاتورلىق ەم قابىلداۋدا.
پوليتسيا اتالعان دەرەك بويىنشا ەڭبەك قاۋىپسىزدىگى تالاپتارىنىڭ بۇزىلۋىنا قاتىستى سوتقا دەيىنگى تەرگەۋدى باستادى.
