قوعام • 19 قاڭتار، 2021

انىقتاماسىز كەلگەن 31 شەتەل ازاماتى كەرى قايتارىلدى

19 رەت كورسەتىلدى

الماتى اكىمدىگى شەتەلدەن كەلگەن ۇشاق جولاۋشىلارىنىڭ اراسىنداعى كوروناۆيرۋس كورسەتكىشى تۋرالى اقپارات جاريالادى، دەپ حابارلايدى Egemen.kz

«بىلتىر قازاننان باستاپ قاڭتارعا دەيىن الماتى حالىقارالىق اۋەجايىنا 109 724 جولاۋشىسى بار 773 رەيس كەلدى. ونىڭ ىشىندە COVID-19-عا تەرىس ناتيجەسى بار انىقتامالارمەن – 97430، انىقتاماسىز 12294 ادام كەلگەن. ونىڭ ىشىندە پتر-تالداۋدى تاپسىرعاننان كەيىن ارنايى كارانتين ستاتسيونارىندا 79 ادامنىڭ ناتيجەسى بەلگىلى بولدى (تۇركيادان كەلگەن جولاۋشىلار اراسىندا - 30 جاعداي، ءباا-18 جاعداي، ەگيپەت – 23 جاعداي، بەلارۋس – 5، ۋكراينا – 1، مالديۆ ارالدارىنان -2 جولاۋشى). قالانىڭ حالىقارالىق اۋەجايىندا سانەپيدباقىلاۋدى كۇشەيتۋ شارالارى جالعاسۋدا. سونداي-اق، انىقتامانىڭ جوقتىعىنان 31 شەتەل ازاماتى كەرى قايتارىلدى»، دەدى قالالىق اكىمدىكتىڭ وكىلدەرى.

مامانداردىڭ ايتۋىنشا، الەمدە ەپيدەميالىق احۋال ناشارلاپ جاتىر. بىرقاتار ەل ينفەكتسيانى جۇقتىرۋ جاعدايلارىنىڭ وسۋىنە جول بەرمەۋ ءۇشىن قوسىمشا شارالار ەنگىزىپ جاتىر. مىسالى، وڭتۇستىك كورەيا بيلىگى الەۋمەتتىك قاشىقتىق ساقتاۋدى تاعى ەكى اپتاعا ۇزارتتى. 15 اقپانعا دەيىن ازاماتتارعا COVID-19 تارالۋىنىڭ جالعاسۋىنا بايلانىستى شەتەلگە ساپارلاردى بولدىرماۋ نەمەسە كەيىنگە قالدىرۋدى ۇسىنادى.

جەكسەنبىدە اۋستريا ۇكىمەتى ۇلتتىق كارانتيندى 7 اقپانعا دەيىن ۇزارتاتىنىن جاريالادى. ۇلىبريتانيا 18 قاڭتاردان 15 اقپانعا دەيىن كوروناۆيرۋستىڭ جاڭا شتامدارىنىڭ اكەلىنۋىنە جول بەرمەۋ ءۇشىن بارلىق تۋريستىك دالىزدەردى جاۋىپ جاتىر.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار