وڭىردە تۇراقتاندىرۋ قورىنا 2020 جىلى 6,4 مىڭ توننا ءونىم قورى ساتىپ الىنىپ, ونىڭ 5,2 مىڭ تونناسى ساتىلعان. بۇگىنگى كۇنى قوردا 2 مىڭ توننادان استام ءونىم ساقتالىپ, ساۋدالانۋدا.
بۇگىنگى كۇنى اكىمدىكتەر الەۋمەتتىك دۇكەندەردە ونىمدەردىڭ وتىمدىلىگى ارتۋى مەن كولەمى ازايۋىنا بايلانىستى قوسىمشا 23 توننا وسىمدىك مايى مەن 300 توننا كارتوپ ساتىپ الۋ جۇمىستارىن ىسكە اسىرۋدا. الەۋمەتتىك دۇكەندەردە حالىققا 19 ءتۇرلى تاۋار ۇسىنىلادى. اسىرەسە, حالىققا اسا قاجەت ءى سورتتى ۇن, نان, كۇرىش, قاراقۇمىق جارماسى, كۇنباعىس مايى, سارى ماي, ماكارون, كارتوپ, پياز, قىرىققابات, ءسابىز, سيىر ەتى, تاۋىق ەتى, ءسۇت, ايران, سۇزبە, قانت, تۇز, جۇمىرتقا سياقتى ونىمدەر ساۋدالانۋدا.
قازىر وڭىردە 29 الەۋمەتتىك دۇكەن جۇمىس ىستەپ تۇر. وتكەن جىلى وبلىستا تۇراقتاندىرۋ قورى الەۋمەتتىك ماڭىزى بار ونىمدەرمەن تولىقتىرىلىپ, 4,1 مىڭ توننا ءونىم ساتىپ الۋ ءۇشىن جانە اينالىم سحەماسى ارقىلى كاسىپكەرلەرگە قارىز بەرۋ ءۇشىن جەرگىلىكتى بيۋدجەتتەن قوسىمشا 1234,4 ملن. تەڭگە قارجى بولىنگەن.
الەۋمەتتىك دۇكەندەردەن بولەك, وڭىردە 1 الەۋمەتتىك ماركەت پەن 4 ءىرى سۋپەرماركەت اسا قاجەتتى ازىق-ت ۇلىك ونىمدەرىن ۇسىنادى. سوڭعى جىلدارى شەتكەرى ايماقتىڭ تۇرعىندارى ءۇشىن دە الەۋمەتتىك دۇكەندەر اشىلعان. ماسەلەن, بايتەرەكتە «بالامەكەن», ناۋرىز, بەلكول, اقجارما, قاراوزەك, قىزىلجارما اۋىلدارى مەن ەدەلۆەيس ساياجايىندا جۇمىس جاسايدى.
