راديو مەملەكەتتىك جاستار ساياساتىن نەگىزگە الا وتىرىپ, الەۋمەتتىك-ەكونوميكالىق, مادەني-اعارتۋ سالاسىنداعى وزەكتى تاقىرىپتاردى كوتەرەدى. ەكى تىلدە حابار تاراتاتىن راديوارنا تىكەلەي ەفيردە كۇندەلىكتى ساعات تاڭعى 7.00-دەن تۇنگى 01.00-گە دەيىن جۇمىس ىستەيدى. قازىرگى ۋاقىتتا ەفيردە اقپاراتتىق-تانىمدىق «ەڭسەلى ەلوردا», «الەۋمەت تىنىسى», «جاڭعىرۋ جولى», «Soyle KZ», «مەديتسينا دليا ۆسەح», «ۆرەميا دەلوۆىح» حابارلارى جانە «جۇلدىزدى ەلوردا», «مۋزىكالنىي دوجد» اتتى مۋزىكالىق باعدارلامالارى, سونىمەن قاتار ء«بىزدىڭ ۋاقىت», «قايىرلىتاڭتسى», «Live Bar», «تو ساموە شوۋ» سىندى راديو-شوۋلارى ءجۇرىپ جاتىر.
2013 جىلدىڭ قاراشاسىنان باستاپ «استانا» راديوسى تىكەلەي ەفيردە بەينەكورسەتىلىم رەجيمىندە جۇمىس ىستەيدى. 2015 جىلدان باستاپ ەفيرگە شىعىپ جاتقان راديوكونتسەرت جانرىنداعى جوبالار وتاندىق راديولار اراسىندا العاشقى بولىپ سانالادى. Youtube جەلىسى مەن Facebook الەۋمەتتىك پاراقشاسىندا ەفيردەگى باعدارلامالاردى live فورماتتا تاماشالاۋعا بولادى.
راديوۇجىمنىڭ جەكەلەگەن جوبالارى ەكى مارتە قر تۇڭعىش پرەزيدەنتى - ەلباسى ن.ءا.نازارباەۆتىڭ العىسىمەن ماراپاتتالدى. سونداي-اق 2017 جىلى جۋرناليستيكا سالاسىنا ارنالعان تۇڭعىش ۇلتتىق «ۇركەر» بايقاۋىندا «ۇزدىك ايماقتىق راديوستانتسيا» نوميناتسياسىندا جەڭىسكە جەتتى.
بۇگىن, 19 قاڭتاردا «استانا» راديوسىنىڭ مەرەكەلىك ەفيرىن Youtube جەلىسى مەن Facebook الەۋمەتتىك پاراقشاسىندا تاماشالاۋعا بولادى. ەفيردى راديودا ءار جىلدارى حابار جۇرگىزگەن جۋرناليستەر تىزگىندەيدى.
