ايماقتار • 18 قاڭتار، 2021

قىزىلوردادا IT مامانى «باستاۋ» جوباسىن وقىپ، توقىما ونىمدەرىن شىعارۋدى قولعا الدى

38 رەت كورسەتىلدى

قىزىلوردالىق گۇلنۇر بورباسوۆا «باستاۋ» جوباسىنىڭ 2019 جىلعى تۇلەگى. IT سالاسىندا ءبىلىم العان ول الماتى قالاسىنداعى ەلىمىزگە بەلگىلى بانكتەردىڭ بىرىندە جۇمىس جاساعان. تۇرمىس قۇرىپ، بالالى بولعاننان كەيىن توقىما توقۋدى حوببيىنە اينالدىرا باستايدى، دەپ حابارلايدى Egemen.kz.

بۇيىمدار توقۋدى ۆيرتۋالدى كۋرستاردان ۇيرەنگەن گۇلنۇر ۋاقىت وتە كەلە توقىعان ونىمدەرىن تابىس كوزىنە اينالدىرۋدى كوزدەيدى. اناسىنان «باستاۋ» جوباسى تۋرالى ەستىپ، كاسىپكەرلەر پالاتاسىنان كەڭەس الىپ، جوبا اياسىندا بىلىكتىلىگىن جەتىلدىرەدى.

«باستاۋ» جوباسىن 2019 جىلى وقىدىم. بيزنەس-ترەنەر ناتاليا ميشۋكوۆادان ساباق الدىم. بيزنەستى باستاۋدىڭ العىشارتتارىمەن تانىسىپ، سالىقتىق جانە وزگە دە ەسەپتىلىكتەردى تاپسىرۋعا قاتىستى قۇندى اقپاراتتارعا قانىق بولدىم. وسىلايشا قىزىعۋشىلىقتان باستالعان تىرلىگىمدى تەڭگەگە اينالدىرۋدامىن»، - دەيدى جاس كاسىپكەر گۇلنۇر بورباسوۆا.

«باستاۋ» جوباسىنان سەرتيفيكاتىن العان سوڭ، كۋرستا ازىرلەگەن بيزنەس-جوسپارىن «ەڭبەك» مەملەكەتتىك باعدارلاماسى اياسىنداعى گرانتتىق كوميسسيا الدىندا قورعاپ، 530 مىڭ تەڭگە قايتارىمسىز قارجىعا قول جەتكىزەدى. ول قارجىعا توقىما ماشيناسىن ساتىپ العان كاسىپكەر ەندى ەڭبەك ونىمدىلىگى ارتا تۇسەتىنىنە سەنىمدى.

گۇلنۇر جاس انالارعا، ءوزى سەكىلدى جاستار مەن قىز-كەلىنشەكتەرگە قولدارىنان كەلەتىن قابىلەتتى كاسىپكە اينالدىرۋعا كەڭەس بەردى.

«قازىر مۇمكىندىك جەتكىلىكتى. تەك سول مەملەكەتتىڭ قولداۋ تەتىكتەرىن ءتيىمدى پايدالانۋ كەرەك. «باستاۋ» جوباسىن وسىنداي ءتيىمدى قۇرال دەر ەدىم. وتە ىڭعايلى باعدارلاما»، - دەيدى ول.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

ۇقساس جاڭالىقتار