ايماقتار • 18 قاڭتار، 2021

قىزىلوردادا مەملەكەتتىك بوبەكجاي-باقشا اشىلدى

45 رەت كورسەتىلدى

بۇگىن قىزىلوردا قالاسىنا قاراستى اقسۋات اۋىلدىق وكرۋگىندە 120 ورىندىق «اسىل-اي» بوبەكجاي-باقشاسى پايدالانۋعا بەرىلدى، دەپ حابارلايدى Egemen.kz.

اۋىل تۇرعىندارىن بالاباقشانىڭ اشىلۋىمەن قۇتتىقتاعان قالا اكىمىنىڭ ورىنباسارى اسقاربەك ەسجانوۆ وسى سالادا اتقارىلىپ جاتقان جۇمىستاردى ءبىر سارالاپ ءوتتى.

«قىزىلوردا قالاسى بويىنشا بۇگىنگى كۇنى جالپى سانى 235 مەكتەپكە دەيىنگى ءبىلىم بەرۋ ۇيىمى بار. بارلىق جاعدايى جاسالعان جاڭا بوبەكجاي-باقشانىڭ اۋىلداردا دا اشىلىپ جاتقانى ءبارىمىز ءۇشىن قۋانىش. مەملەكەت باسشىسىنىڭ جولداۋىندا ءبىلىمدى ۇرپاق بولاشاعىنىڭ جارقىن بولۋىندا نەگىزگى ورىن الاتىن بالاباقشالار مەن مەكتەپتەردە ءبىلىم مەن تاربيە بەرۋدىڭ ماڭىزدىلىعىن ايتىپ وتكەن بولاتىن. وسى باعىتتاعى جۇمىستار جالعاسا بەرەدى»، - دەدى قالا اكىمىنىڭ ورىنباسارى.

وتكەن جىلى «اۋىل - ەل بەسىگى» جوباسى اياسىندا اقسۋاتتاعى №143 مەكتەپكە كۇردەلى جوندەۋ جۇمىستارى جۇرگىزىلگەن.   

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار