بەلگىلى كوسەمسوزشى جانە اۋدارماشى بيگەلدى عابدۋللين قازاق پەن-كلۋبىنىڭ پرەزيدەنتى بولىپ سايلاندى. قوعامدىق بىرلەستىك مۇشەلەرىنىڭ كەشە بولىپ وتكەن جالپى جينالىسىندا وسىنداي شەشىم قابىلداندى. جينالىسقا قازاقستاننىڭ وبلىستارىنان, سونداي-اق, رەسەي مەن فرانتسيادان جازۋشىلار كەلدى.
بەلگىلى كوسەمسوزشى جانە اۋدارماشى بيگەلدى عابدۋللين قازاق پەن-كلۋبىنىڭ پرەزيدەنتى بولىپ سايلاندى. قوعامدىق بىرلەستىك مۇشەلەرىنىڭ كەشە بولىپ وتكەن جالپى جينالىسىندا وسىنداي شەشىم قابىلداندى. جينالىسقا قازاقستاننىڭ وبلىستارىنان, سونداي-اق, رەسەي مەن فرانتسيادان جازۋشىلار كەلدى.
بۇعان دەيىن اتالمىش مىندەتتى قازاق ادەبيەتىنىڭ كلاسسيگى, كسرو مەملەكەتتىك سىيلىعىنىڭ لاۋرەاتى ءابدىجامىل نۇرپەيىسوۆ اتقارىپ كەلگەن بولاتىن. بيگەلدى عابدۋللين كوپشىلىككە پۋبليتسيست جازۋشى, گازەت ءىسىنىڭ ىلكىمدى ۇيىمداستىرۋشىسى رەتىندە تانىمال. كەيىنگى توعىز جىلدا «Central Asia Monitor» اپتالىعىنا باسشىلىق ەتىپ كەلەدى. سونىمەن قاتار, ول «راديوتوچكا» مۋلتيمەديالىق پورتالىنا جەتەكشىلىك ەتەدى.
بيگەلدى عابدۋللين – كوپتەگەن كوسەمسوزدىك تولعامداردىڭ, ەسسەلەر مەن وچەركتەردىڭ اۆتورى. بىرقاتار قازاق جازۋشىلارىنىڭ شىعارمالارىن ورىس تىلىنە اۋدارعان. «پاراسات», «قۇرمەت» وردەندەرىنىڭ يەگەرى.
قازاق پەن-كلۋبى 1993 جىلى شىعارماشىل ماماندىقتار وكىلدەرىنىڭ زياتكەرلىك ىنتىماقتاستىعىن كەڭەيتۋ, حالىقارالىق ادەبي قوعامداستىققا قاتىسۋ, قازاقستاندىق مادەنيەتتى دامىتۋ, قوعامدىق سانادا بيىك ىزگىلىك مۇراتتارىن تاربيەلەۋ ماقساتىندا قۇرىلعان. ول كاسىبي ادەبيەتشىلەر مەن جۋرناليستەردى بىرىكتىرەدى. قازاق پەن-كلۋبى لوندونداعى بۇكىلالەمدىك جازۋشىلار قاۋىمداستىعى – حالىقارالىق پەن-كلۋبتىڭ مۇشەسى. يۋنەسكو-دا ءوز مارتەبەسى جانە بۇۇ-دا كەڭەسشىلىك مارتەبەسى بار.
قازاق پەن-كلۋبىنىڭ سىيلىعىمەن ماراپاتتاۋ ءراسىمى ءوتتى. بۇل قۇرمەتكە بەلگىلى قازاق پروزاشىسى قاجىعالي مۇحانبەتقاليەۆ پەن رەسەيلىك جازۋشى جانە ديپلومات بوريس پانكين يە بولدى.
قورعانبەك امانجول,
«ەگەمەن قازاقستان».
الماتى.
