ايماقتار • 15 قاڭتار، 2021

قىزىلوردالىق زياتكەر بالامالى قۋات كوزىن ويلاپ تاپتى

64 رەت كورسەتىلدى

قىزىلوردا قالاسىنداعى نازارباەۆ زياتكەرلىك مەكتەبىنىڭ وقۋشىسى مەرەي سەمباي قالا كوشەلەرىن جارىقتاندىرۋدىڭ ءتيىمدى ءادىسىن ويلاپ تاپتى.  ول ۇستازى جەڭىسبەك جالمىرزاەۆپەن بىرلەسە وتىرىپ، كولىك قوزعالىسى ارقىلى ەلەكتر قۋاتىن وندىرۋگە بولاتىنىن دالەلدەدى، دەپ حابارلايدى Egemen.kz

كوشەدە ۇزدىكسىز اعىلعان كولىكتەردى كورگەن سايىن مەرەيدى «وسىلاردىڭ قوزعالىسى ارقىلى قانداي پايدالى دۇنيە جاساۋعا بولادى؟» دەگەن وي مازالاپ جۇرگەنىنە ءبىراز بولىپتى.. كوپ ۇزاماي جەتەكشىسى جەڭىسبەك جالمىرزاەۆپەن بىرلەسە زەرتتەۋ جاساپ، اۆتوكولىك قوزعالىسىنداعى شىعىن ەنەرگياسىن بالامالى قۋات كوزىنە اينالدىرۋ تۋرالى يدەيا تۋىنداعان.

«جۇرگەن كولىكتەردەن ەنەرگيا ءوندىرۋدىڭ شاعىن ماكەتىن جاسادىق. ءوندىرۋ مەحانيزمى بىرنەشە بولشەكتەردەن تۇرادى جانە كولىكتەر كوپ شوعىرلانعان ايماقتاردىڭ كوشەلەرىندە جەر استىندا ورنالاستىرىلادى. ولار جىلدامدىق بəسەڭدەتكىش تومپەشىكتەرگە ۇقساس بولادى. اتالمىش پلاتفورمادان كولىك وتكەن سايىن قۇرىلعى تومەنگە ءتۇسىپ، قايتا ورنىنا كەلۋ ارقىلى ەنەرگيا وندىرەدى»، دەيدى جاس ونەرتاپقىش.

مەحانيزم قۇرىلىسىن سيپاتتاۋ جانە قاجەتتى ەسەپتەۋلەر جۇرگىزۋ ءۇشىن  جوبا اۆتورلارى قىزىلوردا جىلۋ ەلەكتر تورابىنىڭ قىزمەتكەرلەرىنەن كاسىبي كەڭەستەر الادى. سول جەردەگى گەنەراتورلاردىڭ جۇمىسىن قاداعالاپ، ونىڭ پارامەترلەرى مەن قۇرىلعىلار ولشەمدەرى جايلى اقپارات جيناقتاپتى.

«بۇل –ەلەكتر ەنەرگياسىن ادام دەنساۋلىعىنا، قورشاعان ورتاعا زالالسىز تۇردە الۋدىڭ ءتيىمدى ءəرى قاراپايىم جولى. قوماقتى قارجىنى دا قاجەت ەتپەيدى، بەلگىلى اۋماقتى جىلدار بويى ەشقانداي شىعىنسىز جارىقپەن قامتاماسىز ەتە الادى. ماسەلەن، ءبىزدىڭ قالادا 20-دان استام جىلدامدىق بəسەڭدەتكىش تومپەشىك بار. سولاردىڭ ورنىن وسىنداي 10 قۇرىلعىمەن الماستىرساق، ء ۇش جىل جىلدىڭ ىشىندە 70 ملن تەڭگە قارجى ۇنەمدەي الامىز»، دەيدى جوبا جەتەكشىلەرى. 

ونەرتاپقىشتار ەكونوميكالىق، ەكولوگيالىق جانە ەنەرگەتيكالىق تۇرعىدا ءتيىمدى سانالاتىن بۇل جوبانىڭ ازىرگە ەلىمىزدە بالاماسى جوق دەيدى. سوندىقتان الداعى ۋاقىتتا تىڭ تەحنولوگيانى پاتەنتتەپ الىپ، وندىرىسكە قوسۋدى ماقسات ەتىپ وتىر.

جوبا ۇلتتىق STEAMUP جارىسىندا ءىىى ورىن يەلەنگەن. سونداي-اق، فيزيكا پانىنە ەرەكشە قىزىعۋشىلىق تانىتقان دارىندى وقۋشىعا ستەنفورد ۋنيۆەرسيتەتىنىڭ جازعى وقۋ كۋرسىنا قاتىسۋعا جولداما دا بەرىلىپتى.

 

 

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار