ايماقتار • 15 قاڭتار، 2021

گۇلشارا ابدىقالىقوۆا وبلىستىق ءماسليحات سەسسياسىنا قاتىستى

56 رەت كورسەتىلدى

بۇگىن وبلىس اكىمى گۇلشارا ابدىقالىقوۆانىڭ قاتىسۋىمەن وبلىستىق ءماسليحاتتىڭ VII شاقىرىلىمىنىڭ العاشقى سەسسياسى ءوتتى. وتىرىستى 7 ماسەلە قارالدى، دەپ حابارلايدى Egemen.kz 

جيىندا ءسوز العان ايماق باسشىسى ءوڭىردىڭ الەۋمەتتىك-ەكونوميكالىق دامۋى ءماسليحاتتىڭ جۇمىسىمەن تىكەلەي بايلانىستى ەكەنىن اتاپ ءوتتى.

- بارشاڭىزدى سايلاۋ ناتيجەسىمەن وبلىستىق ءماليحاتتىڭ دەپۋتاتى بولۋلارىڭىزبەن شىن جۇرەكتەن قۇتتىقتايمىن! ايماقتىڭ الەۋمەتتىك-ەكونوميكالىق دامۋىندا وڭ تەندەنتسيانىڭ قالىپتاسۋى ءماسليحاتتىڭ جۇمىسىمەن دە تىكەلەي بايلانىستى ەكەنىن ەرەكشە اتاپ وتكىم كەلەدى. بيىل ەلىمىزدە ءماسليحاتتار سايلاۋى العاش رەت پارتيالىق ءتىزىم بويىنشا وتكىزىلدى. بۇل جاڭا باستاما پارتيالارعا ەلىمىزدىڭ ساياسي جۇيەسىندەگى ۇستانىمىن نىعايتۋعا ۇلكەن مۇمكىندىكتەر بەرەدى، - دەدى وبلىس اكىمى.

جالپى سايلاۋ قورىتىندىلارى بويىنشا ءبىزدىڭ وبلىستا بارلىق پارتيا وكىلدەرى ءماسليحاتتاردا ماندات يەلەندى. ناقتى ايتساق، بارلىق دەڭگەيدەگى ءماسليحات دەپۋتاتتارىنا 152 ماندات بەرىلسە، ونىڭ 126 مانداتىن «Nur Otan» پارتياسى، 15 مانداتىن «اۋىل» پارتياسى، 4 مانداتىن قازاقستان حالىقتىق پارتياسى، 5 مانداتىن «اق جول» پارتياسى جانە 2 مانداتىن «ادال» پارتياسى يەلەندى.

وبلىستىق ءماسليحاتتىڭ جاڭا دەپۋتاتتىق قۇرامى VI شاقىرىلىمنىڭ 12 دەپۋتاتى جانە جاڭادان سايلانعان 21 دەپۋتاتپەن جاساقتالدى. ونىڭ ىشىندە، 8 ايەل، 4 بەلسەندى جاس بار. جاڭا قۇرامعا دەپۋتاتتىق كۋالىكتەر تابىستالدى.

كۇن تارتىبىندەگى ءبىرىنشى ماسەلە بويىنشا وبلىستىق ءماسليحاتتىڭ 1-سەسسياسىنىڭ توراعاسى بولىپ قىلىشباي بيسەنوۆ سايلاندى.

سونداي-اق، اشىق داۋىس بەرۋ ارقىلى وبلىستىق ءماسليحات حاتشىسى قىزمەتىنە ناۋرىزباي بايقاداموۆ سايلاندى.

وسىدان كەيىن 4 تۇراقتى كوميسسيا قۇرۋ جانە ءار كوميسسيانىڭ ساندىق قۇرامىن بەلگىلەۋ جونىندە شەشىم قابىلداندى. اتاپ ايتساق، ەكونوميكا، قارجى جانە جەرگىلىكتى باسقارۋ ماسەلەلەرى جونىندەگى تۇراقتى كوميسسيا توراعالىعىنا تالعات جاقىپباەۆ، الەۋمەتتىك جانە مادەني ماسەلەلەر جونىندەگى تۇراقتى كوميسسيا توراعالىعىنا  گۇلنار ەسقاليەۆا، ءوندىرىس جانە شارۋاشىلىق سالالارى، قورشاعان ورتانى قورعاۋ جانە تابيعي رەسۋرستاردى ءتيىمدى پايدالانۋ جونىندەگى تۇراقتى كوميسسيا توراعالىعىنا باعداۋلەت ماقاشوۆ جانە كاسىپكەرلىكتى دامىتۋ، جاستار ءىسى جانە قۇقىقتىق ماسەلەلەر جونىندەگى تۇراقتى كوميسسيا توراعالىعىنا ماقسۇت نالىباەۆ سايلاندى.

وتىرىستا وبلىستىق ماسليحاتتاعى «Nur Otan» پارتياسىنىڭ دەپۋتاتتىق فراكتسياسى تىركەلدى.  

سونىمەن قاتار جيىندا وبلىستىق ەكونوميكا جانە بيۋدجەتتىك جوسپارلاۋ باعدارلاماسى باسقارماسىنىڭ باسشىسى نۇرعالي قورداباي «2021-2025 جىلدارعا ارنالعان قىزىلوردا وبلىسىن دامىتۋ باعدارلاماسىن» تانىستىرىپ، دەپۋتاتتاردىڭ قولداۋىمەن بەكىتىلدى.

وبلىس اكىمى جاڭا باعدارلامانىڭ الەۋمەتتىك ەكونوميكالىق دامۋىنا زور ىقپال ەتەتىنىن اتاپ ءوتتى.

 باعدارلاماعا سايكەس جەرگىلىكتى ماڭىزى بار 578،9 شاقىرىم جولعا كۇردەلى جانە ورتاشا جوڭدەۋ جۇمىستارى، 12 كوپىرگە كۇردەلى جوڭدەۋ جۇمىستارى جۇرگىزىلەتىن بولادى.

حالىقتى تۇرعىن ۇيمەن قامتاماسىز ەتۋ دەڭگەيىن ارتتىرۋ ءۇشىن الداعى 5 جىلدا 3 ملن 782 مىڭ شارشى مەتر تۇرعىن ءۇي، ياعني، شامامەن 6458 پاتەر جانە 27 856 جەكە تۇرعىن ءۇي، قۇرىلىس سالۋ اۋداندارىنىڭ ينجەنەرلىك-كوممۋنيكاتسيالىق ينفراقۇرىلىمىن دامىتۋ جانە جايلاستىرۋ، تۇرعىن ءۇي قۇرىلىسىنا جەكە ينۆەستيتسيالاردى تارتۋ جۇمىستارى جۇرگىزىلەدى.

ەسكە سالايىق، بيىلعى جىلى جالپى اۋدانى 644،7 مىڭ شارشى مەتردى قۇرايتىن، بارلىعى 5 607 پاتەردى پايدالانۋعا بەرۋ جوسپارلانۋدا.

مۇنىمەن قوسا، اۋىلدىق ەلدى مەكەندەردى گازبەن تولىق قامتاماسىز ەتۋ ءۇشىن وبلىستىڭ 17 ەلدى مەكەندەرىن گازداندىرۋ جۇمىستارى جۇرگىزىلەدى. سونىڭ ىشىندە، 2021-2022 جىلدارى 11 ەلدى مەكەن گازبەن قامتاماسىز ەتىلەدى. ال، اگروونەركاسىپتىك كەشەندى دامىتۋ ماقساتىندا 87 ينۆەستيتسيالىق جوبانى جۇزەگە اسىرۋ جوسپاردا بار.

بۇدان بولەك، وتكەن جىلى وبلىستىڭ 2023 جىلعا دەيىنگى «ەكونوميكالىق كارتاسى» بەكىتىلدى. ول ەكونوميكانىڭ ءتۇرلى سالالارىندا 271 ملرد تەڭگەگە 265 جوبانى ىسكە اسىرۋدى كوزدەيدى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار