رەسەيدىڭ ۆولگودونسك قالاسىندا 12 جاسار مەكتەپ وقۋشىسى دانيل ەفرەمەنكو ءورت ءسوندىرۋشى روبوت جاساپ شىعاردى. بۇل تۋرالى Lifenews.ru حابارلادى.
جاس ونەرتاپقىش روبوتتىڭ جادىنا ءورتتىڭ قاي جەردە ەكەنىن انىقتاپ, ونى ءوز بەتىمەن سوندىرەتىن باعدارلاما ەنگىزىپ قويعان. «مەنىڭ اعام دا روبوت قۇراستىرۋمەن اينالىسادى, – دەدى دانيل. – روبوتقا باعدارلاما جازۋعا سول كومەكتەستى».
دانيل ەفرەمەنكونىڭ روبوت قۇراستىرۋمەن اينالىسىپ جۇرگەنىنە ءۇش جىل بولعان. ونىڭ بۇل سالاعا قىزىعۋىنا اعاسى يۆان سەبەپكەر بولعان كورىنەدى. باسىندا ول دانيلدى كومەكشى رەتىندە جانىندا الىپ ءجۇرىپ, جۇمىستىڭ قىر-سىرىن ۇيرەتكەن.
جەلتوقسان ايىندا دانيل ەفرەمەنكو جارىسقا قاتىسىپ, ونىڭ دەربەس روبوتى باس جۇلدەنى يەلەنگەن. 45 روبوت قاتىسقان جارىستا دانيلدىڭ قۇرىلعىسى ەڭ جىلدام ءارى اقىلدى بولىپ شىققان. ول 30 سەكۋندتىڭ ىشىندە شىراق جانىپ تۇرعان بولمەنى ىزدەپ تاۋىپ, ونى ءسوندىرىپ ۇلگەرگەن.
ايدار ورىسباەۆ.
دەرەككوز: Lifenews.ru
