ساندۋعاش ابىلحاسىمقىزى بۇل كاسىپپەن اينالىسۋدى 2018 جىلى باستاپ, باستاپقى ۋاقىتتا كونفەتتىڭ 3-4 ءتۇرىن شىعارعان. ادەپكىدە دايىن ونىمدەردى اۋدان ورتالىعىنداعى ساۋدا نۇكتەلەرىنە وتكىزىپتى. كەيىن بۇل كونفەتتىڭ ءدامىن تاتقان جانداردان سۇرانىس كوبەيىپ, ءتىپتى كورشى اۋدانداردان دا تاپسىرىستار ءتۇسىپ, ءونىم تۇرلەرىن كوبەيتۋدى جوسپارلايدى.
قازىر بۇل وتباسىلىق كاسىپكە اينالعان. جەكە كاسىپكەردىڭ قىزى مەرۋەرت تەمىرباي وتكەن جىلى «باستاۋ-بيزنەس» جوباسى بويىنشا وقۋ كۋرسىنان ءوتىپ, 555 600 تەڭگە گرانت يەگەرى اتانىپتى. بۇل قارجىعا كونفەت شىعارۋ تسەحىنا قاجەتتى قۇرال-جابدىقتاردى ساتىپ العان.
شاعىن تسەحتاعى 3 مامان كۇنىنە 100-150 كەلى كونفەت تۇرلەرىن دايىندايدى. ساندۋعاش ابىلحاسىمقىزى الداعى ۋاقىتتا كونفەت تۇرلەرىن 1 كەلىلىك دايىن قاپتامالاردا شىعارۋدى جوسپارلاپ وتىر.
