مىسىرداعى تارتىپسىزدىكتەر كەزىندە ۇرلانعان تۋتانحامون پەرعاۋىن قارىنداسىنىڭ ءمۇسىنى تابىلىپ, كايردەگى مۋزەيگە قايتارىلدى. بۇل تۋرالى يتار-تاسس حابارلادى.
تامىز ايىنداعى اسكەر مەن يسلاميستەر اراسىندا ورىن العان قاقتىعىستار كەزىندە بەلگىسىز بىرەۋلەر مىسىر استاناسىنىڭ ەل-مينيا پروۆينتسياسىنداعى مالاۆي مۋزەيىنەن تۋتانحامون پەرعاۋىن قارىنداسىنىڭ ءمۇسىنىن ۇرلاپ اكەتكەن. پوليتسيا ونى بىرنەشە ايدان كەيىن كايرداعى حان-ەل-حاليلي بازارىنداعى كوفە دۇكەنىنەن تاپقان. دۇكەن يەسى كونە ءمۇسىندى ساتىپ جىبەرمەك بولعان كورىنەدى.
تۋتانحامون پەرعاۋىن قارىنداسىنىڭ ءمۇسىنى مالاۆي مۋزەيىنە قايتارىلعان 800-ءىنشى ەكسپونات. قالعان 250 تۋىندى ءالى كۇنگە دەيىن تابىلماي وتىر.
2011 جىلعى كوتەرىلىس كەزىندە مىسىردان شەتەلگە ونداعان باعالى تۋىندىلار زاڭسىز جولمەن شىعارىلعان بولاتىن. ماسەلەن, 2011 جىلدىڭ قاڭتار ايىنداعى تارتىپسىزدىكتەر كەزىندە كايردەگى مۋزەيدەن ۇرلانعان كونە ءمۇسىن بەلگيادان تابىلعان. سونداي-اق بىرنەشە كونە ەسكەرتكىش ۇلىبريتانيا مەن گەرمانيادان اكەلىندى. ال وتكەن ايدا مۋزەيدەن ۇرلانعان 90 ەكسپونات يزرايلدەن تابىلدى.
ايدار ورىسباەۆ.
دەرەككوز: Itar-tass.com
