«ەگەمەن قازاقستان» ماعان نەسىمەن ۇنايدى؟ ەڭ الدىمەن, بۇل باسىلىم – ەلدىكتىڭ جارشىسى. ىزگى نيەتتى باسىلىم. وندا تەك قانا ساليقالى, سالماقتى دۇنيەلەر جاريالانۋىمەن دە قۇندى. اسىرەسە, «ەتجەڭدى» ساندارىن اسىعا كۇتەمىن.
«ەگەمەن قازاقستان» ماعان نەسىمەن ۇنايدى؟ ەڭ الدىمەن, بۇل باسىلىم – ەلدىكتىڭ جارشىسى. ىزگى نيەتتى باسىلىم. وندا تەك قانا ساليقالى, سالماقتى دۇنيەلەر جاريالانۋىمەن دە قۇندى. اسىرەسە, «ەتجەڭدى» ساندارىن اسىعا كۇتەمىن. ونداعى ءماندى دە مازمۇندى ماقالالاردى بولەك جيناپ قويامىن. ال ون جىلدان بەرى جىل سايىن جەكە-جەكە جيناق بولىپ جاريالانىپ كەلە جاتقان كىتاپ نۇسقاسى – اتالمىش ايداردىڭ تۇراقتى وقىرماندارى ءۇشىن ناعىز سىيلىق. مەنىڭ وزىمدە وسىناۋ گازەت-كىتاپتاردىڭ تۇگەل تومى ساقتاۋلى.
ويىمشا, «الەمگە ءايگىلى» اتتى اۆتورلىق ايداردىڭ ماقالالارىن دا وسىلاي جيناقتاپ, جاريالاۋ كەرەك. بەلگىلى تۇلعالار, اتاقتى قالالار مەن مەملەكەتتەر تۋرالى ماقالالار كىم-كىمدى دە قىزىقتىرارى ءسوزسىز. مەنىڭ ءوزىم وسى ايدارمەن بەرىلگەن دۇنيەلەردى وقىعان سوڭ «گەرمانيا كۇندەلىگى», «پولشا ساپارىنان جازبالار» اتتى ساپارنامالىق ماقالالار جازدىم. ول وبلىستىق «ماڭعىستاۋ» گازەتىندە جاريالاندى. «ەگەمەندى» تۇراقتى وقىپ باستاعالى ءتۇرلى تاقىرىپتا ءوزىم جازعان شىعارمالارىمدى ۇسىنعىم كەلەدى. بىراق جۇرەكسىنەمىن. ازىرگە بۇل باسىلىمنىڭ بەلسەندى وقىرمانى بولعانىم دا جارايدى.
كەيىنگى جىلدارى بۇل گازەتتىڭ ءار سانىندا ماڭعىستاۋدىڭ جاڭالىقتارى عانا جاريالانىپ قويماي, وزەكتى ماسەلەلەرى دە ءجيى جازىلاتىن بولدى. بىزدەر, جەرگىلىكتى تۇرعىندار, ايماعىمىزداعى احۋال تۋرالى باس گازەتتە ماسەلە كوتەرىلسە, ونىڭ مىندەتتى تۇردە وڭ ناتيجەسى بولعانىن قالايمىز. ويتكەنى, ونى ەلباسى, ۇكىمەت مۇشەلەرى, شەندى-شەكپەندىلەر تۇگەل وقيدى. «حالىقتىڭ كوزى, قۇلاعى, ءھام تىلىنە» اينالعان گازەتتى وقىرمان اسىعا كۇتەدى. زامان تالابىنا ساي جاڭارىپ, جاڭعىرىپ وتىرسا دەگەن تىلەگى دە بار. ەلدىكتىڭ ءسوزىن ايتىپ, حالىقتى ۇيىستىرا تۇسەتىن باس گازەتكە جازىلۋ – ءاربىر ەلگە جاناشىر, جاقسىلىققا جانى قۇشتار اعايىننىڭ پارىزى دەپ بىلەمىن جانە سوعان شاقىرامىن.
باقتىباي جايلاۋ,
ش. ەسەنوۆ اتىنداعى كاسپي مەملەكەتتىك
تەحنولوگيالار جانە ينجينيرينگ ۋنيۆەرسيتەتى
جاستار ءىسى كوميتەتىنىڭ توراعاسى.
اقتاۋ.
