رەسپۋبليكالىق «ەگەمەن قازاقستان» گازەتى – ءار ءنومىرىن اسىعا كۇتىپ وقيتىن ەڭ سۇيىكتى باسىلىمىم. ونى العاش رەت قولعا ۇستاپ, سول تۇستا ءتورت بەت بولىپ شىعاتىن گازەتتىڭ ءار پاراعىن قۇمارتا قاراپ وتكەنىمە بيىل جارتى عاسىر بولىپ قالىپتى.
رەسپۋبليكالىق «ەگەمەن قازاقستان» گازەتى – ءار ءنومىرىن اسىعا كۇتىپ وقيتىن ەڭ سۇيىكتى باسىلىمىم. ونى العاش رەت قولعا ۇستاپ, سول تۇستا ءتورت بەت بولىپ شىعاتىن گازەتتىڭ ءار پاراعىن قۇمارتا قاراپ وتكەنىمە بيىل جارتى عاسىر بولىپ قالىپتى. ولاي دەيتىنىم, 1963 جىلعى 22 ساۋىردە بۇرىنعى كوكشەتاۋ وبلىسىنىڭ قىزىلتۋ اۋداندىق «قىزىل تۋ» گازەتىنە ادەبي قىزمەتكەر بولىپ جۇمىسقا قابىلدانعانىم ءالى ەسىمدە. گازەت رەداكتورى كوپتى كورگەن موسقال كىسى ەدى. الدىندا جاتقان بىرنەشە گازەتتى اقتارا قاراپ وتىردى دا, ونىڭ كولەمى ۇلكەن بىرەۋىن الىپ شىعىپ: «جۋرناليست بولامىن دەسەڭ وسى گازەتتى كوپ وقى, سودان ۇيرەن», – دەدى. قولىنا ۇستاعانى رەسپۋبليكالىق «سوتسياليستىك قازاقستان» گازەتى ەكەن.
سودان بىلاي مەن قاتارداعى وقىرمان رەتىندە بۇل گازەتتى جاقسى كورىپ كەتتىم. تاۋەلسىزدىك جىلدارىندا ول «ەگەمەن قازاقستان» بولىپ وزگەردى. سوعان بايلانىستى ونىڭ اجارى ءتىپتى اشىلىپ, ەگەمەن ەلدىڭ ناعىز ەگەمەن گازەتىنە – ەلدىكتىڭ ەڭسەلى مىنبەرىنە اينالدى. گازەتتىڭ ءار ءنومىرى پوليگرافيالىق بەزەندىرىلۋى جاعىنان دا, ماتەريالدارىنىڭ سان سالانى تەرەڭدەي ءارى جان-جاقتى قامتىپ, ماسەلە كوتەرۋى تۇرعىسىنان دا وقىرماندى وزىنە تارتىپ تۇراتىنىن ەرەكشە اتاپ ءوتۋىمىز كەرەك. مەنىڭ جەكە ءوزىمدى گازەتتىڭ بىردە-ءبىر جاريالانىمى بەيجاي قالدىرعان ەمەس. ال ءار ايدىڭ اياعىنا قاراي ارنايى شىعارىلاتىن سارسەنبىلىك «ەتجەڭدى» ءنومىردىڭ ءجونى مۇلدە بولەك. ول ءنومىردى قىزىعا قولعا الىپ, ءبىر كۇندە قاراپ تاۋىسا الماي, اپتا بويى وقىپ شىعامىز.
گازەتتىڭ ءار نومىرىنەن, ءار جاريالانىمىنان وقىرمان قاۋىم ءوز كەرەگىن وسىلاي تاۋىپ, وزىنە رۋحاني ازىق الادى دەپ ويلايمىن.
ەسمۇحامبەت ايتماعامبەتوۆ,
ءباسپاسوز ارداگەرى.
الماتى.
