ايماقتار • 14 قاڭتار، 2021

قاراعاندىداعى لەنين شاحتاسىندا جارىلىس بولدى

33 رەت كورسەتىلدى

كەشە كەشكىسىن «ارسەلورميتتال تەمىرتاۋ» اق كومىر دەپارتامەنتىنە قاراستى لەنين اتىنداعى شاحتادا جارىلىس بولدى، دەپ حابارلايدى Egemen.kz. وبلىس اكىمىنىڭ ءباسپاسوز قىزمەتىنە سىلتەمە جاساپ.

بۇرعىلاۋ جۇمىستارى كەزىندە گاز بەن كومىر قوسىندىسى اتىلعان. بۇرعىلاۋشىلار بريگاداسى اپات بولعان جەردەن كەتىپ ۇلگەرگەنىمەن، بۇرعىلاۋ قوندىرعىسىنىڭ ءماشينيسى كەنجاردان شىعا الماپتى. وقىس وقيعا بولعان كەزدە جەر استىندا 3-ءشى اۋىسىمنىڭ 137 قىزمەتكەرى بولعان. ولاردىڭ 136-سى جەر بەتىنە شىعارىلدى.

قازىرگى ۋاقىتتا اپاتتى جويۋ جوسپارى ىسكە قوسىلىپ، وقيعا بولعان جەردە «رتسشپ ۆاسس» جشس قاراعاندى فيليالىنىڭ اپاتتىق-قۇتقارۋ قىزمەتى جۇمىس ىستەۋدە. اپپاراتۋرانىڭ كورسەتكىشتەرىنە سايكەس، شاحتانىڭ تاۋ-كەن قازبالارىنداعى گاز جاعدايى قالىپقا كەلتىرىلگەن.

لەنين اتىنداعى شاحتادا بولعان جازاتايىم وقيعا فاكتىسى بويىنشا قاراعاندى وبلىستىق باس مەملەكەتتىك ەڭبەك ينسپەكتورىنىڭ وكىمىمەن كوميسسيا قۇرىلدى. وعان ونەركاسىپتىك قاۋىپسىزدىك سالاسىنداعى ۋاكىلەتتى ورگان وكىلى توراعالىق ەتەدى.

كوميسسيا قۇرامىنا مەملەكەتتىك ەڭبەك ينسپەكتورى، كاسىپوداق ۇيىمىنىڭ وكىلى جانە جۇمىس بەرۋشى ەنگىزىلگەن. وقيعانىڭ ءمان-جايى مەن سەبەپتەرى جازاتايىم وقيعانى ارنايى تەرگەپ-تەكسەرۋ اياقتالعاننان كەيىن ايقىندالىپ، ول تۋرالى قوسىمشا حابارلاناتىن بولادى.

ەسكە سالار بولساق، تۋرا وسى شاحتادا 2006 جىلى جويقىن اپات بولىپ، سونىڭ سالدارىنان 41 كەنشى قازا تاپقان بولاتىن.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار