ايماقتار • 14 قاڭتار، 2021

اقمولا وبلىسىندا مەملەكەتتىك قىزمەت كورسەتۋ ساپاسىنا قاتىستى شاعىم ازايدى

10 رەت كورسەتىلدى

مەملەكەتتىك قىزمەت ىستەرى اگەنتتىگىنىڭ اقمولا وبلىسى بويىنشا دەپارتامەنتى ءوز قىزمەتىندە ازاماتتاردىڭ وتىنىشتەرىن ساپالى جانە ۋاقتىلى قاراۋعا ەرەكشە دەن قويادى. بۇگىنگى تاڭدا وبلىستا مەملەكەتتىك قىزمەتتەردى كورسەتۋ ساپاسىنا قاتىستى شاعىمدار سانى تومەندەۋدە، دەپ حابارلايدى Egemen.kz.

مىسالى، 2019 جىلى ازاماتتاردىڭ وتىنىشتەرى نەگىزىندە 40 تەكسەرىس جۇرگىزىلسە، 2020 جىلى وسى كورسەتكىش بار بولعانى 20-نى قۇراعان.

«ارينە، مۇنداي قۇبىلىستىڭ تۋىنداۋىنا كارانتين جاعدايى دا اسەر ەتتى، دەگەنمەن تۇرعىندارىمىز وزدەرىنىڭ قۇقىقتارىن قورعاۋ ءۇشىن وتىنىشتەردى مەملەكەتتىك ورگاننىڭ كەڭسەسى ارقىلى تاپسىرۋدان گورى «ەلەكتروندىق ۇكىمەت» ۆەب-پورتالىنىڭ ەلەكتروندىق وتىنىشتەر سەرۆيسىن پايدالانۋدا داعدىلارىن تانىتتى» - دەيدى دەپارتامەنتتىڭ مەملەكەتتىك قىزمەتتەردى كورسەتۋ باسقارماسىنىڭ باس مامانى نۇرسۇلتان شىتىرىمبەك.

پورتال ارقىلى ءوتىنىش تاپسىرۋ ازاماتقا ونىڭ ءوزىنىڭ جەكە كابينەتى ارقىلى قاراۋ مەرزىمدەرىن باقىلاۋعا، ءوتىنىش ورىنداۋشىسى تۋرالى مالىمەتتەرگە ۇيدەن شىقپاي-اق قول جەتكىزۋگە مۇمكىندىكتەر بەرەدى.

اتاپ ايتقاندا، 2020 جىلى مەملەكەتتىك قىزمەت ساپاسىنا قاتىستى دەپارتامەنتكە كەلىپ تۇسكەن 38 ءوتىنىشتىڭ 27 ەلەكتروندىق نىساندا تۇسكەن. بۇل 71% قۇرايدى. ياعني، بۇل كورسەتكىش ازاماتتارىمىزدىڭ تسيفرلىق داعدىلارىمەن قاتار قۇقىقتىق ساۋاتتىلىعى وتە جوعارى ەكەندىگىن كۋالاندىرادى.

«دەپارتامەنت قىزمەت كورسەتۋ سالاسىنداعى قۇقىق بۇزۋشىلىقتاردىڭ سالدارىن جويۋدان بۇرىن، ولاردىڭ الدىن الۋعا دەن قويادى. وتكەن جىلى وسى سالاداعى زاڭنامانى ءتۇسىندىرۋ بويىنشا 332 ءىس-شارا ۇيىمداستىرىلدى. اتقارىلعان جۇمىستاردىڭ ناتيجەسىندە مەملەكەتتىك قىزمەت كورسەتۋ مەرزىمدەرىنىڭ بۇزىلۋ فاكتىلەرى ەداۋىر تومەندەپ، تارتىپتىك جاۋاپكەرشىلىككە تارتىلعان تۇلعالاردىڭ سانى ازايدى» - دەپ ن.شىتىرىمبەك مالىمدەپ ءوتتى.

مەملەكەتتىك قىزمەتتەردىڭ ساپاسىن ارتتىرۋ ۇزدىكسىز جەتىلدىرۋ بويىنشا جۇمىس ءارى قاراي جالعاسادى. بۇل سالا تەك قانا مەملەكەتتىك ورگانداردىڭ قاتىسۋىن عانا ەمەس، بارشا تۇرعىندارىمىزدىڭ بەلسەڭدىلىگىن قاجەت ەتەدى.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار