كەشە حالىقارالىق كورمەلەر بيۋروسىنىڭ (حكب) پاريجدەگى شتاب-پاتەرىندە وسى ۇيىمعا ءمۇشە-مەملەكەتتەر قاراۋىنا استانا ەكسپو-2017 حالىقارالىق مامانداندىرىلعان كورمەسىنىڭ تىركەلۋ قۇجاتتاماسىن رەسمي تۇردە تاپسىرۋ ءراسىمى بولىپ ءوتتى.
كەشە حالىقارالىق كورمەلەر بيۋروسىنىڭ (حكب) پاريجدەگى شتاب-پاتەرىندە وسى ۇيىمعا ءمۇشە-مەملەكەتتەر قاراۋىنا استانا ەكسپو-2017 حالىقارالىق مامانداندىرىلعان كورمەسىنىڭ تىركەلۋ قۇجاتتاماسىن رەسمي تۇردە تاپسىرۋ ءراسىمى بولىپ ءوتتى.
تىركەلۋ قۇجاتتاماسىن حكب-نىڭ باس حاتشىسى ۆيسەنتە لوسەرتالەسكە قازاقستان رەسپۋبليكاسى پرەمەر-ءمينيسترى سەرىك احمەتوۆتىڭ ارنايى جولداما حاتىمەن بىرگە قازاقستاننىڭ فرانتسياداعى ەلشىسى نۇرلان دانەنوۆ تاپسىردى, دەپ حابارلايدى ءسىم-ءىنىڭ ءباسپاسوز قىزمەتى. بۇكىلالەمدىك امبەباپ كورمەلەر ءتارتىبى بويىنشا 2014 جىلعى ماۋسىمدا وتەتىن حكب-نىڭ كەزەكتى باس اسسامبلەياسىندا بۇل قۇجاتتامالار بەكىتىلگەننەن كەيىن ەكسپو-2017-ءنى وتكىزۋ ماسەلەسى رەسمي تۇردە مويىندالادى. وسىدان كەيىن قازاقستان حالىقارالىق كورمەگە قاتىسۋ مۇمكىندىگى بار مەملەكەتتەرمەن ارنايى كەلىسسوزدەر جۇرگىزەدى جانە ولاردى رەسمي تۇردە شاقىرادى. تىركەلۋدەن وتكەننەن كەيىن قازاقستان ەكسپو-سيتي قۇرىلىسىن باستايدى.
قۇجاتتاما تاپسىرۋ راسىمىندە حكب باس حاتشىسى ۆ.لوسەرتالەس بۇل نەگىزگى قۇجاتتاردى دەر كەزىندە دايىنداۋدىڭ ماڭىزدىلىعىن اتاپ كورسەتتى. ۇيىمنىڭ مۇشە-مەملەكەتتەرى ەكسپو-2017-ءنى وتكىزۋ جونىندەگى استانانىڭ ۇسىنىس-پىكىرلەرىن قولدايتىندىعىنا سەنىم ءبىلدىردى. باس حاتشى الداعى ۋاقىتتا دا بۇل ماسەلە بويىنشا جان-جاقتى ىنتىماقتاستىق بايلانىس جاسالاتىندىعىن اتاپ كورسەتتى. ءوز كەزەگىندە ەلشى نۇرلان دانەنوۆ ءبىزدىڭ ەلىمىزدىڭ وسى حالىقارالىق ماڭىزدى شارانى جوعارى دارەجەدە وتكىزۋ ءۇشىن قولدان كەلگەننىڭ ءبارىن جاسايتىندىعىنا باس حاتشىنى سەندىردى. بۇل شارا ءبىزدىڭ ەلىمىزدە ءىس جۇزىنە اسىرىلىپ جاتقان «قازاقستان-2050» ستراتەگياسىنىڭ ماقساتتارىمەن تولىق ۇندەسەدى. سونىمەن بىرگە, ن.دانەنوۆ ەل ۇكىمەتى اتىنان حكب باسشىسىنا كورسەتكەن كومەگى مەن قولداۋى ءۇشىن العىس ءبىلدىردى.
«ەگەمەن-اقپارات».
