كەشە «استانا – جاڭا قالا» ەركىن ەكونوميكالىق ايماعىندا (ەەا) اسكەري جانە ازاماتتىق ماقساتتاعى ارنايى تەحنيكالار شىعاراتىن جاڭا زاۋىتتىڭ العاشقى قاداسىن قاعۋ ءراسىمى بولىپ ءوتتى. استانا قالاسىنىڭ اكىمى يمانعالي تاسماعامبەتوۆ پەن قورعانىس ءمينيسترى ادىلبەك جاقسىبەكوۆ بولاشاق زاۋىتتىڭ ىرگەتاسىنا ارنايى كاپسۋل سالدى.
كەشە «استانا – جاڭا قالا» ەركىن ەكونوميكالىق ايماعىندا (ەەا) اسكەري جانە ازاماتتىق ماقساتتاعى ارنايى تەحنيكالار شىعاراتىن جاڭا زاۋىتتىڭ العاشقى قاداسىن قاعۋ ءراسىمى بولىپ ءوتتى. استانا قالاسىنىڭ اكىمى يمانعالي تاسماعامبەتوۆ پەن قورعانىس ءمينيسترى ادىلبەك جاقسىبەكوۆ بولاشاق زاۋىتتىڭ ىرگەتاسىنا ارنايى كاپسۋل سالدى.
اتالمىش جوبا شەڭبەرىندە 2015 جىلعا قاراي «استانا – جاڭا قالا» ەەا-عا كىرەتىن يندۋستريالىق پارك اۋماعىندا جىلىنا 120-دان 360-قا دەيىن بروندالعان دوڭگەلەكتى ماشينا شىعاراتىن تەحنولوگيالىق كەشەن سالۋ جوسپارلانىپ وتىر. «قازاقستان ينجينيرينگ» ۇلتتىق كومپانياسى» اق, «قازاقستان ينجينيرينگ ديستريبيۋشن» جشس جانە «پاراماۋنت گرۋپپ» كومپانياسى (وار) اعىمداعى جىلعى قاراشا ايىندا قازاقستاندا اسكەري دوڭعالاقتى ماشينالار شىعارۋ ءوندىرىسىن سالۋ جانە ولارعا تەحنيكالىق قىزمەت كورسەتۋ تۋرالى مەموراندۋمعا قول قويعان بولاتىن.
بۇل جوبا ورتالىق ازيادا العاش رەت قولعا الىنىپ وتىر. سونداي-اق, ول قورعانىس جانە ماشينا جاساۋ يندۋسترياسىن ساپالى ىلگەرىلەۋشىلىكتى قامتاماسىز ەتەتىن تابىسى جوعارى بىرلەسكەن كاسىپورىن قۇرۋعا مۇمكىندىك بەرەدى. زاماناۋي روبوتتاندىرىلعان قۇرىلعىلار مۇنداي جۇمىستاردىڭ تولىق تسيكلىن, بروندى تەمىر تاقتايلاردى كەسۋ مەن دانەكەرلەۋدى, ماشينالاردى سىرلاۋ مەن جيناۋدى, ساپالى شىعۋ باقىلاۋلارىن جۇرگىزۋدى ىسكە اسىرادى. زاۋىتتا تەك اسكەري تەحنيكالار ءوندىرىسى عانا ەمەس, سونىمەن قاتار, قالالىق اۆتوبۋستار شىعارۋ دا قاراستىرىلعان.
جاڭا زاۋىت ىسكە قوسىلعان كەزدە وندا شىعارىلاتىن ماشينالاردىڭ 50 پايىز قوسالقى بولشەكتەرى مەن اگرەگاتتارى قازاقستاندا جانە كەدەن وداعى ەلدەرى اۋماعىندا ءوندىرىلۋى ءتيىس. سونىمەن بىرگە, جاڭا زاۋىتتا 150-دەن استام جۇمىس ورنىن اشۋ, 50-دەن استام ينجەنەرلەر مەن تەحنيكالىق جانە تەحنولوگيالىق سالاداعى مامانداردى قازاقستان مەن شەتەلدەردە وقىتۋ قاراستىرىلعان. زاۋىتتا كونسترۋكتورلىق ءبولىم مەن قىزمەت كورسەتۋ ورتالىعىنىڭ بولۋى تاپسىرىس بەرۋشىنىڭ تالاپتارىنا سايكەس ماشينالارعا ودان ءارى جاڭعىرتۋلار جۇرگىزۋ مەن تەحنيكالىق قىزمەت كورسەتۋگە مۇمكىندىك بەرەدى.
زاۋىتتان شىعارىلاتىن بارلىق تەحنيكالار قازاقستاننىڭ وڭىرلەرىنە جانە جاقىن شەتەلدەرگە تاراتۋعا مۇمكىندىك بەرەتىن حالىقارالىق ستاندارتتارعا سايكەس بولادى. قازاقستاندا وندىرۋگە ۇسىنىلىپ وتىرعان بروندالعان دوڭگەلەكتى ماشينالار بارلىق كورسەتكىشتەرى بويىنشا ءوز ساناتىندا ۇزدىكتەردىڭ ءبىرى بولىپ تابىلادى. اعىمداعى جىلعى مامىر-ماۋسىمدا اتالمىش تەحنيكا تۇرلەرى قازاقستان قورعانىس كۇشتەرىنىڭ اسكەري بولىمشەلەرىنىڭ ءتۇرلى پوليگوندارىندا جان-جاقتى سىناقتان وتكىزىلدى.
قازىر يندۋستريالىق پارك اۋماعىندا جالپى ينۆەستيتسيا كولەمى 181 ملرد. تەڭگە بولاتىن 49 جوبا تىركەلگەن. ونىڭ ىشىندە جالپى ينۆەستيتسيا كولەمى 44 ملرد. تەڭگەنى قۇرايتىن 11 ءوندىرىس 2009-2012 جىلدارى ىسكە قوسىلدى. بۇل كاسىپورىندار قىزمەت ىستەي باستاعان جىلدار ىشىندە 197 ملرد. تەڭگەنىڭ ونىمدەرى شىعارىلدى جانە قىزمەتى كورسەتىلدى. كاسىپورىندار جۇمىس ىستەي باستاعان كەزەڭدە 18 ملرد. تەڭگە, ونىڭ ىشىندە 2013 جىلى 8 ملرد. تەڭگە كولەمىندەگى سالىقتار مەن سالىق تولەمدەرى ءتۇستى. 1718 جاڭا جۇمىس ورنى اشىلدى.
جىلقىباي جاعىپار ۇلى,
«ەگەمەن قازاقستان».
سۋرەتتە: بولاشاق زاۋىتتىڭ قۇرىلىس الاڭىنا كاپسۋل سالۋ.
سۋرەتتەردى تۇسىرگەن
ەرلان وماروۆ.
