ۇستىمىزدەگى جىلعى 10 جەلتوقساندا وڭتۇستىك افريكا رەسپۋبليكاسىنىڭ يوحاننەسبۋرگ قالاسىندا وسى ەلدىڭ بۇرىنعى باسشىسى, الەمگە تانىمال تۇلعا نەلسون ماندەلانىڭ قازاسىنا وراي مەملەكەتتىك قوشتاسۋ ءراسىمى ءوتتى. يوحاننەسبۋرگتەگى «FNB» فۋتبول الاڭىندا ۇيىمداستىرىلعان اتالعان شاراعا الەمنىڭ جۇزدەن استام مەملەكەتىنىڭ باسشىلارى كەلدى.
ۇستىمىزدەگى جىلعى 10 جەلتوقساندا وڭتۇستىك افريكا رەسپۋبليكاسىنىڭ يوحاننەسبۋرگ قالاسىندا وسى ەلدىڭ بۇرىنعى باسشىسى, الەمگە تانىمال تۇلعا نەلسون ماندەلانىڭ قازاسىنا وراي مەملەكەتتىك قوشتاسۋ ءراسىمى ءوتتى. يوحاننەسبۋرگتەگى «FNB» فۋتبول الاڭىندا ۇيىمداستىرىلعان اتالعان شاراعا الەمنىڭ جۇزدەن استام مەملەكەتىنىڭ باسشىلارى كەلدى.
قوشتاسۋ راسىمىنە ەلىمىز اتىنان قازاقستان رەسپۋبليكاسىنىڭ رەسمي وكىلى, سىرتقى ىستەر مينيسترلىگىنىڭ جاۋاپتى حاتشىسى ا.مۋسينوۆ قاتىستى. ءراسىم اياسىندا ا.مۋسينوۆ وار سىرتقى ىستەر ءمينيسترىنىڭ ءبىرىنشى ورىنباسارى ەبراھيم ەبراھيممەن كەزدەسىپ, قازاقستان پرەزيدەنتى ن.نازارباەۆتىڭ ن.ماندەلانىڭ قايتىس بولۋىنا وراي وار باسشىسى د.زۋماعا جولداعان كوڭىل ايتۋ حاتىنىڭ كوشىرمەسىن تابىس ەتتى.
ە.ەبراھيم قازاقستان باسشىلىعىنا دەگەن العىسىن ءبىلدىرىپ, وار حالقىنىڭ قايعىسىمەن بولىسكەنىن جوعارى باعالايتىنىن مالىمدەدى. وار سىرتقى ىستەر ءمينيسترىنىڭ ءبىرىنشى ورىنباسارى ەكى ەل اراسىنداعى قارىم-قاتىناستار بولاشاقتا قارقىندى دامي تۇسەتىنىنە سەنىم ءبىلدىردى, دەپ حابارلادى قر ءسىم-ءىنىڭ ءباسپاسوز قىزمەتى.
ىنتىماقتاستىق جالعاسادى
قازاقستان رەسپۋبليكاسىنىڭ قورعانىس مينيسترلىگىندە قورعانىس ءمينيسترى ءا.جاقسىبەكوۆتىڭ رەسەي فەدەراتسياسى ۇكىمەتى توراعاسىنىڭ ورىنباسارى د.روگوزينمەن كەزدەسۋى ءوتتى.
رەسەي ۇكىمەتىندە دميتري روگوزين قورعانىس-ونەركاسىپ كەشەنىنە, مەملەكەتتىك قورعانىس تاپسىرىسىنىڭ ورىندالۋىنا, اتوم جانە عارىش سالالارىن ۇيلەستىرۋگە, ەكسپورتتى باقىلاۋعا, ۇقشۇ شەڭبەرىندە اسكەري-تەحنيكالىق ساياساتتى ىسكە اسىرۋعا جاۋاپ بەرەدى. رەسەي ۇكىمەتى جانىنداعى اسكەري-ونەركاسىپ كوميسسياسىنا باسشىلىق جاسايدى.
كەزدەسۋ بارىسىندا اسكەري-ەكونوميكا جانە اسكەري-تەحنيكا سالالارى بويىنشا ەكىجاقتى ىنتىماقتاستىق ماسەلەلەرى تالقىلاندى. قازاقستاننىڭ رەسەيمەن وسى سالالار بويىنشا ىنتىماقتاستىعى ءوزارا ءتيىمدى ءارى سىندارلى نەگىزدە دامۋدا ەكەندىگى اتالىپ ءوتتى.
كەزدەسۋ كەزىندە قازاقستاندا جۇمىس ىستەپ تۇرعان بىرلەسكەن كاسىپورىنداردى دامىتۋ, سونداي-اق, بولاشاقتا بىرلەسكەن جاڭا جوبالاردى جاساۋ جونىندەگى ناقتى جوسپار كەلىسىلدى.
سونىمەن بىرگە, قازاقستان مەن رەسەي اشق بىرىڭعاي ايماقتىق جۇيەسىن قۇرۋ جونىندەگى كەلىسىمدى ءىس جۇزىنە اسىرۋ, قۇرىلاتىن جۇيەنى تەحنيكالىق قامتاماسىز ەتۋ ماسەلەلەرى تالقىلاندى.
تاراپتار اسكەري ماقساتتاعى ونىمدەردى ءوزارا جەتكىزۋ ايتارلىقتاي ءوسىپ وتىرعاندىعىن اتاپ ءوتتى. جالپى كەلىسسوزدەر ەكى ەلدىڭ قورعانىس ونەركاسىبىنىڭ وڭ دامۋىن جانە تەڭ دارەجەدەگى ىنتىماقتاستىق نەگىزىندە ءوزارا ءىس-قيمىل جاسايتىنىن قۋاتتاپ بەردى.
«ەگەمەن-اقپارات».
