جەتىسۋلىقتاردىڭ تاۋەلسىزدىك كۇنى قارساڭىنداعى ءبىر قۋانىشى تالدىقورعان – الماتى اراسىنداعى اۋە جولىنىڭ قايتا اشىلۋى بولدى. كەشە JTU 6060 رەيسىمەن العاشقى جولاۋشىلار جەتىسۋدىڭ كىندىك قالاسىنان وڭتۇستىك استاناعا اتتاندى.
جەتىسۋلىقتاردىڭ تاۋەلسىزدىك كۇنى قارساڭىنداعى ءبىر قۋانىشى تالدىقورعان – الماتى اراسىنداعى اۋە جولىنىڭ قايتا اشىلۋى بولدى. كەشە JTU 6060 رەيسىمەن العاشقى جولاۋشىلار جەتىسۋدىڭ كىندىك قالاسىنان وڭتۇستىك استاناعا اتتاندى.
– وسىدان 12 جىل بۇرىن اشىلىپ, توعىز اي ەكى قالانىڭ ورتاسىندا اۋە قاتىناسىن ورناتقان ۇشاققا سۇرانىستىڭ بولماۋىنا بايلانىستى توقتاتىلعان ەدى. ەندى الماتى وبلىسىنىڭ اكىمى اڭسار مۇساحانوۆتىڭ ارناۋلى شەشىمىمەن جاڭعىرتىلدى. تالدىقورعان – الماتى قالالارىنىڭ ورتاسىندا 40-45 مينۋت ۇشاتىن «ياك – 40» ۇشاعىندا 34 جولاۋشى ورنى بار. جول اقىسى 7500 تەڭگە تۇرادى. اپتاسىنا ءتورت رەت دۇيسەنبى, سارسەنبى, سەنبى, جەكسەنبى كۇندەرى تالدىقورعاننان الماتىعى JTU 6060 رەيسىمەن ۇشىپ, ال الماتىدان تالدىقورعانعا JTU 6061 رەيسىمەن قايتا كەلىپ قونادى, دەدى «جەتىسۋ اۆياكومپانياسى» اق ۆيتسە-پرەزيدەنتى پەتر جۋراۆلەۆ.
قالاارالىق اۋە قاتىناسىنىڭ ۇشۋ-قونۋ ۋاقىتى بەلگىلەنگەن ۋاقىتتا اۋەجاي قىزمەتكەرلەرىمەن حابارلاسقانىمىزدا ولار العاشقى رەيستىڭ ءساتتى بولعانىن, مۇنىڭ ءتاۋەلسىزدىك كۇنىنە ارنالعان تارتۋ ەكەنىن ايتتى.
نۇربول الدىباەۆ,
«ەگەمەن قازاقستان».
الماتى وبلىسى.
