«قامقور» باعىتىندا ۇيىمداستىرىلعان بۇل ءىس-شاراعا مەكتەپتەردەگى جاستار ۇلكەن ۇلەس قوستى. سونىمەن قاتار قالادا اتاۋلى كۇن اياسىندا ءىس-شارا ۇيىمداستىرىلىپ, ۆولونتەرلىك قىزمەتتى دامىتۋعا ۇلەس قوسقان 20-دان استام جاس ارنايى نوميناتسيامەن ماراپاتتالدى.
وبلىس ورتالىعىنداعى ەرىكتىلەر ءبىلىم باعىتى بويىنشا ۇيىمداستىرىلاتىن شارالاردى دا ۇمىت قالدىرعان جوق. بيىل مەكتەپ بىتىرۋشىلەر ءۇشىن ۇبت پاندەرى بويىنشا دايىندىق ساباقتارى ءوتتى. اۋدان جاستارى دا ءتۇرلى باعىتتا باستاما كوتەرىپ, ەلدىك ىسكە ەرەكشە ۇلەس قوسىپ كەلەدى. مىسالى, شيەلى اۋدانى جاستارى توتەنشە جاعدايلار, №13 ءورت ءسوندىرۋ ءبولىمى, №16 ءورت ءسوندىرۋ بەكەتى قىزمەتكەرلەرىمەن بىرىگىپ, تۇرعىندارعا «تۇرمىستاعى ءورت قاۋىپسىزدىگى», «كومىرقىشقىل گازىنان ۋلانۋدان ساقتانۋ», «سىرىڭكە – بالالار ويىنشىعى ەمەس» تاقىرىپتارىندا ۇگىت-ناسيحات جۇمىستارىن جۇرگىزدى. اكتسيا اياسىندا 6 040 ءۇيدى ارالاپ, 8 723 ۇنپاراق تاراتتى. جالاعاشتىقتار دا جاناشىرلىق تانىتاتىن شارالاردان سىرت قالعان جوق. جىل باسىنان بەرى اۋداندا 65 قايىرىمدىلىق اكتسياسى ۇيىمداستىرىلىپ, 1 325 ادامعا 28 ملن 500 مىڭ تەڭگەنىڭ كومەگى كورسەتىلگەن. جۋىردا الەۋمەتتىك جاعىنان از قامتىلعاندارعا, اسىراۋشىسىنان ايىرىلعان قارتتارعا, تۇرمىسى تومەن 120 وتباسىنا 2 ملن 305 مىڭ تەڭگەگە وتىن مەن ازىق-ت ۇلىك جەتكىزىلىپ بەرىلدى.
قىزىلوردا وبلىسى
