وڭتۇستىك قازاقستان وبلىسىندا ازاماتتىق نەكەدەگى كۇيەۋىن تاپسىرىسپەن ولتىرتكەن ايەل ۇستالدى. بۇل تۋرالى «24 kz» حابارلادى.
ايەل ىنىسىنە كۇيەۋىنىڭ كوزىن جويۋدى تاپسىرعان. جەزدەسىن «بالىققا بارامىز» دەپ الداعان بالدىز سىبايلاسىمەن بىرگە ونى بۋىندىرىپ ءولتىرىپ, مۇردەسىن سۋ قويماسىنىڭ ماڭىنا كومگەن. 39 جاستاعى ايەل ىنىسىنە ايتقانىن ورىنداعانى ءۇشىن 1 ملن. تەڭگە بەرەدى. ونىڭ ءىنىسى بولسا, قىلمىستى بىرگە جاساعان كۇدىكتىگە جەزدەسىنىڭ كولىگىن بەرىپ, ەسەپ ايىرىسقان. قازىر قۇقىق قورعاۋ قىزمەتكەرلەرىنىڭ قولىنا تۇسكەن 3 ايىپكەردىڭ ۇستىنەن قىلمىستىق ءىس قوزعالىپ, تەرگەۋ امالدارى جۇرگىزىلۋدە. «ۇستالعان ازاماتشانىڭ ايتۋىنشا, ازاماتتىق نەكەدە تۇرعان كۇيەۋىمەن 1,5 جىلدان بەرى بىرگە تۇرعان. ول ايەلىنە قول كوتەرىپ, بيزنەسىنە قول سالماقشى بولعان كورىنەدى. وسى سەبەپ اۋىر قىلمىس جاساۋعا يتەرمەلەپتى»,-دەيدى وبلىستىق ىشكى ىستەر دەپارتامەنتى ءتىل جانە اقپارات باسقارماسىنىڭ جەتەكشىسى سالتانات قاراكوزوۆا.
باقىتبەك كەنەش ۇلى.
دەرەككوز: «24 kz».
