بۇگىن, پرەزيدەنت جانىنداعى ورتالىق كوممۋنيكاتسيالار قىزمەتىنىڭ ۇيىمداستىرۋىمەن سوچي قالاسىندا 2014 جىلى وتكىزىلەتىن XXII قىسقى وليمپيادا ويىندارىنا دايىندىق بارىسى تۋرالى ءباسپاسوز ءماسليحاتى وتكىزىلدى. بۇل تۋرالى Egemen.kz ءتىلشىسى حابارلادى.
كۇن تارتىبىندەگى ماسەلەگە بايلانىستى پرەزيدەنت جانىنداعى ورتالىق كوممۋنيكاتسيالار قىزمەتىنىڭ رەسمي وكىلى التاي ابيبۋللاەۆ قىسقاشا تۇسىنىكتەمە بەرىپ ءوتتى. «سپورت قاي كەزدە دە ءوز ماڭىزىن جويماعان. ال ەلىمىز تاۋەلسىزدىك العان جىلدارى ونىڭ تىنىسى كەڭەيىپ, ءبىزدىڭ سپورتشىلارىمىزدىڭ مەرەيى ۇستەم بولدى. بۇگىندە ەل ايماعىندا وتكىزىلىپ جاتقان جارىستاردان بولەك, وليمپيادا ويىندارىنا قاتىسۋ مۇمكىندىگىنە جول اشىلدى. وسى جولى كەلەر جىلى سوچي قالاسىندا وتكىزىلەتىن قىسقى وليمپيادا ويىندارىنا دايىندىق بارىسىن پىسىقتاۋدىڭ ءجونى كەلىپ تۇر»,-دەدى ول.
سپورت جانە دەنە شىنىقتىرۋ ىستەرى اگەنتتىگىنىڭ توراعاسى تاستانبەك ەسەنتاەۆ جوعارىدا اتالعان ماسەلەگە بايلانىستى بىرقاتار ىستەردىڭ قولعا الىنعانىن اتاپ ءوتىپ, الداعى مىندەتتەرگە توقتالىپ ءوتتى.ء–تورت جىلدا ءبىر رەت وتكىزىلەتىن وليمپيادا ويىندارى الەمدىك سپورتتىڭ ەڭ بيىك شىڭى دەسەك قاتەلەسپەيمىز. سوندىقتان ءبىزدىڭ اگەنتتىك كەلەر جىلى سوچيدە وتكىزىلەتىن جارىسقا قازىردەن باستاپ دايىندىق جۇمىسىن باستاپ كەتتى, دەدى ول. -الدىمەن وسى جۇمىستى ۇيلەستىرۋ ءۇشىن رەسپۋبليكالىق وپەراتيۆتىك شتاب قۇرىلدى. وسىنىڭ نەگىزىندە ءتۇيىندى ماسەلەلەردى شەشۋگە قادام جاسالدى. ت. ەسەنتاەۆ ءسوز ورايىندا سوچيدەگى وليمپيادا ويىندارىنا الەمنىڭ 80 ەلىنەن 5 مىڭنان استام سپورتشى مەن ءار سالانىڭ وكىلدەرى قاتىساتىنىن مالىمدەدى. سونىمەن بىرگە, سپورتتىڭ 15 ءتۇرى بويىنشا 98 مەدال ساراپقا تۇسەتىنىن بىلدىك. «ليتسەنزيالىق كەزەڭنىڭ اياقتالۋىنا دەيىن 10 سپورت تۇرىنەن 40 ليتسەنزيا الۋدى جوسپارلاپ وتىرمىز. ەلىمىزدىڭ وليمپيالىق كومانداسى قۇرامىن جاساقتاۋ ءىسى كەلەسى جىلدىڭ قاڭتار ايىنا دەيىن جالعاسادى. وندا سپورتشىلارىمىزدىڭ دەنە دايىندىعى مەن پسيحولوگيالىق جاعدايى, سونداي-اق ىرىكتەۋ كەزەڭدەرىنىڭ جانە دوپينگكە قارسى باقىلاۋدىڭ قورىتىندىلارى ەسكەرىلەتىن بولادى. جالپى, ءبىز جالپى كوماندالىق ەسەپتە 20-23-ءشى ورىنعا شىعۋدى ماقسات تۇتىپ وتىرمىز», -دەدى كەلەسى كەزەكتە ت. ەسەنتاەۆ .
ازىرگە وليمپيادا ويىنىنا ليتسەنزيا العاندار تىزىمىنە شىعىس قازاقستان, اقمولا, پاۆلودار, باتىس قازاقستان, اقتوبە, قاراعاندى وبلىسى مەن الماتى قالاسىنىڭ سپورتشىلارى ەنگىزىلگەن. ال ۇلتتىق قۇرامانى دايىنداۋ ءۇشىن شەتەلدەن 17 مامان شاقىرىلعان. ولار سپورتتىڭ 8 ءتۇرى بويىنشا (شاڭعى تەبۋ, بياتلون, مانەرلەپ سىرعاناۋ, كونكي , شورت-ترەك , فريستايل جانە ت.ب) جاتتىعۋ وتكىزەدى.
ءباسپاسوز ءماسليحاتىندا تاۋ شاڭعىسى سپورتىنان, ترامپليننەن سەكىرۋدەن, شاڭعى قوسسايىسى مەن شانا سپورتىنان كەنجە قالعانىمىز اشىق ايتىلدى. دەگەنمەن, سپورتتىڭ بۇل تۇرلەرىنەن ليتسەنزيا الۋدىڭ ءۇمىتى ءالى جوعالعان جوق. وسى تۇستا بۇقارالىق اقپارات قۇرالدارىندا بىرنەشە رەت ماسەلە ەتىپ كوتەرىلگەن كەيبىر سپورتشىلاردىڭ ءانۇرانىمىزدى جەتىك بىلمەيتىنى دە ايتىلىپ قالدى. اگەنتتىك توراعاسىنىڭ سوزىنە سەنسەك, بۇل تۇرعىداعى ماسەلە ەندىگى جەردە قايتا كوتەرىلمەۋى ءتيىس. سەبەبى, ولاردىڭ بارىنە بىردەي ارنايى ساباق وتكىزىلىپ, كەمشىلىك جونگە كەلتىرىلگەن.
باسقوسۋدا سوچيدە وتكىزىلەتىن قىسقى وليمپيادا ويىندارىنا ەلىمىزدەن باراتىن 4 ءجۋرناليستىڭ رەسمي تىركەۋدەن وتكەنى ءمالىم بولدى. الەم كوز تىككەن ءدۇبىرلى دوداعا ساناۋلى ءجۋرناليستىڭ قاتىساتىنى ارىپتەستەرىمىزدى الاڭداتپاي قويمادى. ت. ەسەنتاەۆ قويىلعان بۇل سۇراقتىڭ ورىندى ەكەنىن اتاپ ءوتىپ, قوسىمشا 40-قا جۋىق جۋرناليست قاتىستىرۋ جونىندە كەلىسسوز جۇرگىزىلىپ جاتقانىن تىلگە تيەك ەتتى.
سونىمەن, كەلەر جىلعى وليمپياداعا ازىرگە ەلىمىزدەن 40 سپورتشى ىرىكتەلىنىپ الىنعان ەكەن. جالپى, وعان قاتىساتىنداردىڭ ناقتى سانى كەلەر جىلى بەلگىلى بولادى. بەلگىلىسى, وندا الدىڭعى قاتاردان كورىنگەن سپورتشىعا -250 مىڭ, ەكىنشى ورىن العانعا -150 مىڭ, ءۇشىنشى ورىنعا 75 مىڭ دوللار تابىس ەتىلەدى.
ءامىرحان الماعانبەتوۆ.
دەرەككوز: Egemen.kz
