عالىمدار جەر بەتىندەگى ەڭ سۋىق مەكەندى انىقتادى. ول جەردەگى اۋا تەمپەراتۋراسى -91,2 گرادۋستى كورسەتكەن. بۇل تۋرالى Utro.ru حابارلادى.
اقش-تىڭ قار مەن مۇز دەرەكتەرى جونىندەگى ۇلتتىق ورتالىعىنىڭ عالىمدارى جەر بەتىندەگى ەڭ سۋىق مەكەندى انتاركتيدادان تاپتى. ول جەردىڭ اۋا تەمپەراتۋراسىن زەرتتەۋ كەزىندە ماماندار سپۋتنيك پەن وزگە دە زاماناۋي قۇرىلعىلاردى قولدانعان. جەردىڭ ەڭ سۋىق نۇكتەسى 3779 مەتر بيىكتىكتە ورنالاسقان ەكەن. ونداعى اۋا تەمپەراتۋراسى -91,2 گرادۋستى كورسەتكەن. دەگەنمەن, عالىمدار جەردە بۇدان دا سۋىق مەكەننىڭ بولۋ مۇمكىندىگىن جوققا شىعارمايدى. سەبەبى, رەكوردتىق كورسەتكىشتى قۇراعان اۋا تەمپەراتۋراسى مۇزدىقتىڭ ۇستىڭگى بەتىنەن انىقتالعان. «كەيبىر شاعىن ۋچاسكەلەردە اۋا تەمپەراتۋراسى بۇدان دا تومەن بولۋى ابدەن مۇمكىن», – دەيدى زەرتتەۋ اۆتورلارىنىڭ ءبىرى.
ايدار ورىسباەۆ.
دەرەككوز: Utro.ru
