2021 جىلى قازاقستاندا زەينەتاقى مولشەرىنىڭ وسكەنى راس, بىراق 50% ەمەس.
«2021-2023 جىلدارعا ارنالعان رەسپۋبليكالىق بيۋدجەت تۋرالى» زاڭعا سايكەس 2021 جىلعى 1 قاڭتاردان باستاپ جاسىنا بايلانىستى جانە ەڭبەك سىڭىرگەن جىلدارى ءۇشىن زەينەتاقى تولەمدەرىنىڭ مولشەرى 7%-عا, ياعني ينفلياتسيا دەڭگەيىنەن 2%-عا اسىپ ءتۇستى. بۇل رەتتە جاسى بويىنشا ەڭ تومەنگى زەينەتاقى مولشەرى 43 272 تەڭگەنى قۇرادى. بازالىق زەينەتاقى تولەمىنىڭ مولشەرى 5% ارتادى. 2021 جىلعى 1 قاڭتاردان باستاپ ونىڭ ەڭ تومەنگى مولشەرى 18 524 تەڭگەنى قۇرايدى. ناتيجەسىندە, بازالىق زەينەتاقى تولەمىن ەسكەرە وتىرىپ, ەڭ تومەنگى زەينەتاقى مولشەرى 1 قاڭتاردان باستاپ 61 796 تەڭگەنى قۇرايدى, – دەلىنگەن قر ەڭبەك جانە حالىقتى الەۋمەتتىك قورعاۋ مينيسترلىگىنىڭ رەسمي سايتىندا.
