2013 جىلعى 12 قاراشا استانا قالاسى
جۇزەگە اسىرىلاتىن مىندەتتەردى ورىنداۋ ءۇشىن قاجەتتى جانە جەتكىلىكتى دەربەس دەرەكتەردىڭ تىزبەسىن بەكىتۋ تۋرالى
«دەربەس دەرەكتەر جانە ولاردى قورعاۋ تۋرالى» قازاقستان رەسپۋبليكاسىنىڭ 2013 جىلعى 21 مامىرداعى زاڭىنىڭ 25-بابىنىڭ 2-تارماعىنىڭ 1) تارماقشاسىنا جانە قازاقستان رەسپۋبليكاسى پرەزيدەنتىنىڭ 2002 جىلعى 5 تامىزداعى № 917 جارلىعىمەن بەكىتىلگەن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى تۋرالى ەرەجەنىڭ 19-تارماعىنىڭ 3) تارماقشاسىنا سايكەس بۇيىرامىن:
1. قوسا بەرىلىپ وتىرعان جۇزەگە اسىرىلاتىن مىندەتتەردى ورىنداۋ ءۇشىن قاجەتتى جانە جەتكىلىكتى دەربەس دەرەكتەردىڭ تىزبەسى بەكىتىلسىن.
2. پەرسونالدى باسقارۋ سەكتورى (س.د. تاجەنوۆا) قازاقستان رەسپۋبليكاسىنىڭ زاڭناماسىنا سايكەس, دەربەس دەرەكتەردى قورعاۋدى قامتاماسىز ەتسىن.
3. زاڭ ءبولىمى (يۋ.ف. ەنگەل) زاڭنامامەن بەلگىلەنگەن تارتىپتە:
1) بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن;
2) بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونى 10 كۇنتىزبەلىك كۇن ىشىندە بۇقارالىق اقپارات قۇرالدارىنا رەسمي جاريالانۋعا جولداسىن.
4. بۇيرىقتىڭ ورىندالۋىن باقىلاۋ اپپارات باسشىسىنا (م.ت. رايىمقۇلوۆ) جۇكتەلسىن.
5. بۇيرىق وزدەرىنە قاتىسى بويىنشا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ لاۋازىمدى ادامدارىنىڭ نازارىنا جەتكىزىلسىن.
6. وسى بۇيرىق 2013 جىلعى 25 قاراشادان باستاپ قولدانىسقا ەنگىزىلەدى.
توراعا ا.مۋسين.
ەسەپ كوميتەتى توراعاسىنىڭ 2013 جىلعى 12 قاراشاداعى № 207-ن/ق بۇيرىعىنا قوسىمشا
جۇزەگە اسىرىلاتىن مىندەتتەردى ورىنداۋ ءۇشىن
قاجەتتى جانە جەتكىلىكتى دەربەس دەرەكتەردىڭ تىزبەسى
1. تەگى
2. اتى
3. اكەسىنىڭ اتى (بار بولعان جاعدايدا)
4. تەگىن, اتىن, اكەسىنىڭ اتىن اۋىستىرعانى تۋرالى مالىمەتتەر
5. تۋعان جىلى, كۇنى جانە ايى
6. تۋعان جەرى
7. ۇلتى
8. جىنىسى
9. جەكە باسىن كۋالاندىراتىن قۇجاتتىڭ دەرەكتەرى: قۇجاتتىڭ اتاۋى; قۇجاتتىڭ ءنومىرى; قۇجاتتىڭ بەرىلگەن كۇنى; قۇجاتتىڭ جارامدىلىق مەرزىمى; قۇجاتتى بەرگەن ورگان
10. وتباسى جاعدايى تۋرالى مالىمەت: نەكە جاعدايى; نەكە قيۋ تۋرالى كۋالىك دەرەكتەرى; نەكە بۇزۋ تۋرالى كۋالىك دەرەكتەرى; جۇبايىنىڭ تەگى, اتى, اكەسىنىڭ اتى (بار بولعان جاعدايدا); جۇبايىنىڭ جەكە باسىن كۋالاندىراتىن قۇجاتتىڭ دەرەكتەرى; وتباسىنىڭ باسقا مۇشەلەرىنىڭ, قاراۋىنداعى ادامداردىڭ تەگى, اتى, اكەسىنىڭ اتى (بار بولعان جاعدايدا) جانە تۋعان كۇندەرى; بالالارىنىڭ بار-جوعى, تۋ تۋرالى كۋالىك دەرەكتەرى
11. اسكەري مىندەتتى ادامداردى جانە اسكەري قىزمەتكە شاقىرۋعا جاتاتىن ادامداردى اسكەري ەسەپكە الۋ تۋرالى مالىمەتتەر: اسكەري بيلەتتىڭ سەرياسى, ءنومىرى, بەرىلگەن (تاپسىرعان) كۇنى; اسكەري بيلەتتى بەرگەن ورگاننىڭ اتاۋى; اسكەري-ەسەپكە الۋ ماماندىعى; اسكەري اتاعى; ەسەپكە الۋ/شىعارۋ تۋرالى دەرەكتەر; اسكەري قىزمەتتەن بوساتۋ نەگىزى
12. ازاماتتىعى تۋرالى مالىمەتتەر: ازاماتتىعى (بۇرىنعى ازاماتتىعى); قازاقستان رەسپۋبليكاسى ازاماتتىعىن العان كۇنى; قازاقستان رەسپۋبليكاسى ازاماتتىعىن جوعالتقان كۇنى
13. جەكە سايكەستەندىرۋ ءنومىرى (جسن)
14. زەينەتاقى شارتىنىڭ كوشىرمەسى
15. پورترەتتىك بەينەسى (تسيفرلانعان فوتوسۋرەتى)
16. ءبىلىمى, بىلىكتىلىگى جانە ارنايى اتاقتارىنىڭ نەمەسە ارنايى دايارلىعىنىڭ بار-جوعى تۋرالى مالىمەت (ديپلومنىڭ, كۋالىكتىڭ, اتتەستاتتىڭ نەمەسە ءبىلىم بەرۋ مەكەمەسىن بىتىرگەنى تۋرالى باسقا دا قۇجاتتىڭ سەرياسى, ءنومىرى, بەرىلگەن كۇنى, سونىڭ ىشىندە ءبىلىم بەرۋ مەكەمەسىنىڭ اتاۋى جانە ورنالاسقان جەرى, فاكۋلتەتى نەمەسە ءبولىمى, ءبىلىم بەرۋ مەكەمەسىن بىتىرگەننەن كەيىنگى بىلىكتىلىگى جانە ماماندىعى, عىلىمي دەڭگەيى, عىلىمي اتاعى, شەتەل تىلدەرىن ءبىلۋى)
17. اعىمداعى ۋاقىتتاعى ەڭبەك قىزمەتى تۋرالى دەرەكتەر: لاۋازىمىن, قۇرىلىمدىق بولىمشەسىن, ۇيىمىن, ونىڭ اتاۋىن تولىق كورسەتۋ; جالپى جانە ۇزدىكسىز ەڭبەك ءوتىلى; مەكەنجايلارى جانە تەلەفوندارى, سونداي-اق باسقا ۇيىمداردا بۇرىن اتقارعان لاۋازىمىنىڭ تولىق اتاۋىن جانە وسى ۇيىمداردا جۇمىس ىستەگەن ۋاقىتىن كورسەتە وتىرىپ, ولاردىڭ اتاۋلارى
18. مەملەكەتتىك جانە ۆەدومستۆولىق ناگرادالارى, قۇرمەت جانە ارنايى اتاقتارى, كوتەرمەلەۋلەرى تۋرالى مالىمەتتەر; ناگرادا, اتاق نەمەسە كوتەرمەلەۋ اتاۋى نەمەسە اتى; ماراپاتتاۋ تۋرالى نورماتيۆتىك اكتىنىڭ كۇنى مەن ءتۇرى نەمەسە كوتەرمەلەۋ كۇنى
19. مەكەنجايى مەن تەلەفونى
20. سالىق دەكلاراتسياسىن تاپسىرۋ تۋرالى مالىمەتتەر
21. بۇرىنعى جۇمىس ورنىنداعى جالاقىسى جانە سوڭعى ەڭبەك دەمالىسى تۋرالى مالىمەتتەر
22. كوممەرتسيالىق ۇيىمداردىڭ جارعىلىق كاپيتالىنداعى ءوز ۇلەسىن, اكتسيالارىن (اكتسياسىن) جانە تۇلعاعا زاڭ جۇزىندە تيەسىلى اقشانى قوسپاعاندا, پايدالانىلۋى كىرىس الۋعا اكەپ سوعاتىن وزگە دە م ۇلىكتى, سونداي-اق م ۇلىكتىك جالعا بەرىلگەن م ۇلىكتىك سەنىمگەرلىك باسقارۋعا بەرۋ تۋرالى مالىمەتتەر
23. دەنساۋلىق جاعدايى تۋرالى انىقتامالار
24. سوتتىلىعىنىڭ بولۋى (بولماۋى) تۋرالى مالىمەتتەر
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 25 قاراشادا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8927 بولىپ ەنگىزىلدى.
