قوعام • 12 قاڭتار، 2021

كولونيادا دا ءتۇرلى كاسىپتى مەڭگەرەدى

88 رەت كورسەتىلدى

تۇرمە – جازاسىن وتەۋ ارقىلى قايتا تاربيەلەۋ ورنى. جازاسىن وتەۋشىلەر اباقتىدا ءتۇرلى كاسىپ مەڭگەرىپ، بۇرىن ءوز بويىنان بايقاماعان شەبەرلىك سىندى قابىلەتتەرىن ۇشتاپ، جەتىلدىرىپ شىعۋى مۇمكىن. سوتتالعاندار جازاسىن وتەۋ بارىسىندا جەر باپتاپ، اعاش پەن باۋ-باقشا وسىرسە، ەندى بىرەۋلەرى كوزدىڭ جاۋىن الاتىن كۇندەلىكتى قولدانىسقا قاجەتتى، سونداي-اق ساندىك اعاش بۇيىمدارىن جاساپ قۋانتادى. جۋىردا ماڭعىستاۋداعى كولونيادا بۇرىن بولماعان كاسىپ ءتۇرى تۇساۋىن كەسىپ، ەندى جازاسىن وتەۋشىلەر ءوز قولدارىمەن باتەڭكە تىگۋدى باستادى.

اقتاۋداعى گم-172/6 مەكە­مەسىندە قولدان جاسالعان اياقكيىم شىعاراتىن تسەح اشىلدى. بۇگىنگى تاڭدا تسەحتىڭ وندىرىستىك قۋاتى ايىنا 40 جۇپ اياقكيىم شىعارۋعا مۇمكىندىك بەرەدى. «ەڭبەك-باتىس» رمك كاسىپورنىنىڭ اياقكيىم تسەحىنا ازىرگە تەك ءۇش سوتتالۋشى جۇمىسقا ورنالاستىرىلدى، قازىرگى تاڭدا كاسىپورىن ءوندىرىستى كەڭەيتۋ تۋرالى ماسەلەنى ويلاستىرۋدا.

تسەح باسشىسىنىڭ ايتۋىنشا، ولار جاڭا ءوندىرىستى ەندى عانا يگەرە باستاعان. بارلىق ءونىم بىلعارىدان جانە قولمەن جاسالادى. ءبىر جۇپ قىسقى اياقكيىمنىڭ باعاسى شامامەن 10 600 تەڭگەنى قۇرايدى.

– سوتتالعانداردىڭ وزدەرى مۇندا جۇمىس ىستەگەندى ۇناتادى، ويتكەنى بۇل جاڭا ءوندىرىس، بۇرىن بۇل مەكەمەدە اياقكيىم جاسالماعان. ءاربىر جەكە دانامەن جۇمىس جاساي وتىرىپ، ولار قازىر مودەلدەردى جاقسارتۋ ءۇشىن ءوز يدەيالارىن ۇسىنادى، كەيدە ءتىپتى تاجىريبە جاسايدى. دا­مۋ­دىڭ العاشقى كەزەڭدەرىندە ءبىز ءوز ونىمدەرىمىزبەن ماڭعىستاۋ وب­لى­سى­نىڭ قىلمىستىق-اتقارۋ جۇ­يەسىن بارىنشا قامتاماسىز ەتۋ مىن­­دەتىن قويدىق. جاقىن ارادا ءبىز ءوندىرىستىڭ ءوسۋىن جانە ەركىن نا­رىق­قا شىعۋدى باقىلاي الامىز دەپ ۇمىتتەنەمىز، – دەپ جوسپارلارىمەن ءبولىستى رمك-ءنىڭ ءوندىرىس جونىندەگى باسشىسى عاني يۋسۋپوۆ.

ءارى جازاسىن وتەپ، ءارى قوعامعا پاي­­­­دالى ىسپەن اينا­لىسۋىنا ­مۇم­­كىن­دىك بەرۋ، سونداي-اق ولار­دىڭ بويىنداعى قابىلەتىن وياتىپ، شەبەرلىكتەرىن شىڭداۋ – سوت­تال­عان­داردى ىزگى نيەتكە تار­بيە­لەۋدەگى، جاقسىلىققا ۇمتىل­دىرۋ­دا­عى زور ەڭبەكتەردىڭ ءبىرى.

 

ماڭعىستاۋ وبلىسى

 

سوڭعى جاڭالىقتار

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار