كاسىپورىننىڭ بولجامىنا قاراعاندا, 12 قاڭتار كۇنى سولتۇستىك قازاقستان وبلىسىندا قار جاۋادى. كەي جەرلەردە بۇرقاسىنداتىپ, شىعىستان, سولتۇستىك-شىعىستان جىلدامدىعى سەكۋندىنا 15-20 مەترگە جەتەتىن جەل سوعادى, كۇندىز ەكپىنى 23-28 م/س بولادى.
پەتروپاۆلدا 12 قاڭتاردا بۇرقاسىن بولادى. شىعىستان, سولتۇستىك-شىعىستان جەل سوعىپ, كۇشى سەكۋندىنا 15-20 مەترگە, كۇندىز ەكپىنى 23-28 م/س-قا جەتەدى. اۋا رايى بولجامىنىڭ دالدىگى 90-95%. قوستاناي وبلىسىنىڭ كەي جەرلەرىندە تۇمان ءتۇسىپ, جاياۋ بۇرقاسىن سوعادى. سولتۇستىكتەن جەل سوعىپ, كەي جەرلەردە جىلدامدىعى سەكۋندىنا 15-20 مەترگە جەتەدى. اۋا رايى بولجامىنىڭ دالدىگى 90-95%.
باتىس قازاقستان وبلىسىنىڭ كەي جەرلەرىندە جانە ورال قالاسىندا تۇمان تۇسەدى. اۋا رايى بولجامىنىڭ دالدىگى 85-90%. اقمولا وبلىسىنىڭ باسىم بولىگىندە قار جاۋادى. كەي جەرلەرىندە بۇرقاسىن, تۇمان بولادى. وڭتۇستىك-باتىستان سوعاتىن جەل سولتۇستىك-باتىسقا اۋىسادى, كۇشى كەي جەرلەردە سەكۋندىنا 15-20 مەترگە جەتەدى, ەكپىنى 25 م/س بولادى. كوكشەتاۋدا جاياۋ بۇرقاسىن سوعىپ, تۇمان تۇسەدى. وڭتۇستىك-باتىستان سوعاتىن جەل سولتۇستىك-باتىسقا اۋىسادى, تۇندە جانە تاڭەرتەڭ ەكپىنى 15 م/س بولادى.
شىعىس قازاقستان وبلىسىنىڭ كەي جەرلەرىندە جاياۋ بۇرقاسىن بولادى. وڭتۇستىك-شىعىستان سوعاتىن جەل وڭتۇستىك-باتىسقا قاراي ويىسادى, كەي جەرلەردە جىلدامدىعى سەكۋندىنا 15-20 مەترگە جەتەدى, تۇندە ەكپىنى 25 م/س بولادى.
قاراعاندى وبلىسىنىڭ كەي جەرلەرىندە تۇمان ءتۇسىپ, بۇرقاسىن بولادى. جەل وڭتۇستىك-باتىستان, باتىستان سوعادى, كەي جەرلەرىندە جەلدىڭ جىلدامدىعى سەكۋندىنا 15-20 مەتر, ەكپىنى 23-28 م/س بولادى. قاراعاندادا بۇرقاسىن بولادى, جەل وڭتۇستىك-باتىستان, باتىستان سوعىپ, كۇندىز ەكپىنى 15-20 م/س-قا جەتەدى. اۋا رايى بولجامىنىڭ دالدىگى 70-75%.
