اپاتتىق جاعداي بۇگىن دە ءوز جالعاسىن تاپتى. بۇل ەلەكتر ەنەرگياسى جيىلىگىنىڭ تومەندەۋىنە اكەلىپ, «KEGOC» جەلىسىندە پايدا بولعان اقاۋ سالدارىنان اقتاۋ قالاسىنىڭ 2, 3ا, 3ب, 4 شاعىن اۋداندارىندا جانە تۇپقاراعان اۋدانىنىڭ ەلدى مەكەندەرىندەگى كەيبىر نىساندارىندا توق كوزى ۋاقىتشا اجىراتىلدى.
اۆتوماتيكا جۇمىسىنىڭ ناتيجەسىندە ماڭعىستاۋ مەن اتىراۋ وبلىستارىنىڭ ەلەكتر ەنەرگياسىنان تولىقتاي اجىراتىلۋىنىڭ الدىن الىندى. قازىرگى ساعاتتا ەكى وبلىستىڭ اۋماعىندا اپاتتى قالپىنا كەلتىرۋ جۇمىستارى جۇرگىزىلىپ جاتىر.
سونداي-اق كۇندىزگى 15.40 شاماسىندا №7,25,26,27 جوعارى ۆولتتى ۇياشىقتارىنىڭ جوندەۋ جۇمىستارى اياقتالىپ,اقتاۋ قالاسىنداعى 1, 2, 3ا, 3ب, 4 شاعىناۋدانداعى اجىراتىلعان ەلەكتر جەلىلەرى قالپىنا كەلتىرىلدى. بۇل تۋرالى وبلىستىق ەنەرگەتيكا جانە تۇرعىن ءۇي̆- كوممۋنالدىق شارۋاشىلىعى باسقارماسىنىڭ باسشىسى اي̆دوس حاميەۆ حابارلاعان.
ماڭعىستاۋ وبلىسى
